صيحة ال BB كريم الجيل الثالث فى عالم الكريمات

 البشرة بتحتاج لعناية  كتيرة من الروتينات خصوصا مع البنات او السيدات عشان يكون شكل بشرتهم جميل ومايكونش فيه اى مشاكل زى البقع او عدم توحيد البشرة وغيره وكمان البشرة بتحتاج لترطيب وحماية اى البشرة من الاضرار

لكن ظهر جيل جديد فى الكريمات هو الجيل الثالث BB كريم

BB اختصار لكلمة (Blemish Balm) استخدموه اطباء الجلدية فى المانيا لما لوحظ له مميزات استثنائية وخاصة فى ترطيب وتهدئة البشرة بعد تقشيرها وبعد كده الى كوريا وعملت ضجة كبيرة والى بدات ممثلات ونجمات هوليود فى استخدامه والى كشفو عن سر جمالهم باستخدام BB كريم

يعنى الكريم فاونديشن ومعالج للبشرة فى نفس الوقت يعنى بيكون متوفر بلون الفاونديشن وفى نفس الوقت بتعالجى بشرتك وهنلاقى ماركات بتنتج النوع ده من الكريم 

صيحة ال BB كريم  الجيل الثالث فى عالم الكريمات

ايه الفرق بين BB كريم والكريمات الاخرى ؟

BB كريم جيل جديد فى كريمات البشرة وكمان فعاليته ونتائجه اكتر من الكريمات العاديه وبيجمع بين الكريمات المعالجة لمشاكل البشرة يعنى بيجمع مميزات منتجات العناية بالبشرة للترطيب وفى نفس الوقت بيعطى تغطية خفيفة للبشرة 

مميزات BB كريم

بيوحد لون البشرة

بيحمى البشرة من اشعة الشمس يعنى بيكون عامل حماية 

مرطب للبشرة واحيانا بيكون معالج للتجاعيد

بيغطى العيوب والشوائب

بيتوفر منه الوان الفاونديشن 

اشراقة ونضارة للبشرة 

أزياء خريف شتاء للمحجبات 2013 للمصممة الازياء جيلان عاطف

بنات كتير خصوصا المحجبات بتحتار تلبس ايه وايه نوعيه الملابس الى بيناسبها كمحجبة عشان كده مصممة الازياء المحجبات جيلان عاطف بتقدم خط موضة للمحجبات قمة فى الشياكة والاناقة لكل بنت 

أزياء خريف شتاء للمحجبات 2013 للمصممة الازياء جيلان عاطف تنوعت ما بين الوان والقصات المختلفة  وكمان الاكسسورات المهم نختار الموديل الى بيليق على شكل جسمنا وكمان الوان الى تليق على لون بشرتنا 

بالنسبة للالوان هنلاقى الاسود ولعشاق الاسود فى الشتاء وكمان الالوان الغامقة زى البنيات وكمان الالوان الفاتحة زى الاورنج والاخضرواللوان القوية زى الاحمر والوان هادية زى الموف 

ميك اب ولفات طرح عرائس 2013 لخبيرة التجميل جيلان عاطف

كل بنت بتهتم جدا بليلة زفافهالانها بتكون ملكة الحفلة وكل العيون مركزة عليها  وبتكون عايزة تكون فى اجمل شكل ليها فى ليله عمرها من الميك اب و فستان الفرح و حذاء الزفاف وكمان الميك اب ولفة الطرحة شان كده هانشوف ميك اب ولفات طرح عرائس 2013 لخبيرة التجميل جيلان عاطف بتقدملنا الميك اب القوى وكمان الميك اب الرقيق وكل نوع ميك اب ليه شكل بيليق عليه سواء كنتى سمرا او بشرتك فاتحة او خمرى وحسب شكل الوجه والملامح كمان بالنسبة لفات طرح مختلفة للفات الطرح المنفوش باشكاله المختلفة مع الاكسسورات والتاج

اهتمى بشعرك المصبوغ وحافظى على صحة ولمعان ولون شعرك

كلنا بنحب التغيير والتجديد فى شكلنا من وقت للتانى عشان يكون شكلنا جميل وجذاب ونحصل على لوك مختلف ومن عوامل التغيير الصبغة الشعر بتظهر الوان كتير فى صبغة الشعر ممكن نختار اللون الى يناسبنا اولون يكون موضة وبردو يكون مناسب للون البشرة والعين بس لازم والاكيد اننا نهتم بالشعر بعد الصبغة  

عشان كده هانعرف ايه هى الخطوات

 واهتمى بشعرك المصبوغ وحافظى على صحة ولمعان ولون شعرك بخطوات سهلة جدا 

1.الشعر المصبوغ بيكون اضعف فلازم اطراف الشعر يقص كل شهر ونص 

2.اغسلى شعرك بعد اسبوع على الاقل عشان يثبت اللون اكتر

3.لو بتغسلى شعرك كل يوم او كل يومين لازم تنتهى من العادة دى وتغسليها كل 4 ايام عشان اللون ماينطفيش 

4.استعملى شامبو مخصص للشعر المصبوغ  لانه بيقوى اللون وخصوصا لو صبغتيه احمر لانه بيزول اثناء غسل الشعر 

5.ابعدى الزيوت تماما عن شعرك لانها هاتغمق اللون ولا تتعرضى للشمس لان العوامل دى بتأثر على لون الشعر

6.عند تسريح او تصفيف الشعر لازم يكون برفق تماما وتريحيه من وقت للتانى لان الشعر المصبوغ اضعف من الشعر غير المصبوغ 

7.لو هاتعملى كراتين او فرد لازم تتاكدى ان شعرك هايستحمل ده 

8.بعد الصبغة ابعدى عن الشمس خصوصا لو طالعة مصيف لان الشمس مع الغسيل الشعر هايضعف 

9.لو كنتى بتستعملى حمام كريم وبلسم وشامبو لازم تغيريه وهاتى النوع المخصص للشعر المصبوغ

اعتنى بجسمك بالروتين اليومى والاسبوعى

الجسم الصافى الناعم بدون اى مشاكل هدف كل بنت وسيدة بتتطمح للجمال لكن عشان نحصل على النتائج دى لازم نعتنى بالجسم خصوصا فى البيت بخطوات يوميا واسبوعيا

اعتنى بجسمك بالروتين اليومى والاسبوعى

اولا استخدمى جل استحمام او كريم وابعدى عن الصابون تماما الا اذا كان طبيعى او بيحتوى على مرطبات عشان يرطب الجسم

ثانيا استخدمى الليفة الناعمة والليفة الخشنة استخدميها مرة او مرتين فى الاسبوع لو كنتى بتعملى حمام مغربى

ثالثا لازم يكون الميه مش سخنة جامد عشان الجلد مايحصلوش جفاف ولا بارد عشان نفتح المسام فيكون سهل تنظيفه

رابعا خدى حمام مرة واحدة فى اليوم عشان الجلد مايحصلوش جفاف 

خامسا لازم بعد كل استحمام ترطبى جسمك بمرطبات ويفضل انك تتدهنى بالمرطبات بعد الحمام مباشرة لان بخار الحمام بيؤدى الى فتح المسامات فسهل انه يمتصه

سادسا اعملى صنفرة لجمسك مرة او مرتين فى الاسبوع وممكن تعملى حمام مغربى او حمام عطرى وغيرها من انواع الحمامات

سابعا بعد كل حمام جففى جسمك كويس عشان الجلد مايحصلوش جفاف 

ثامنا ممكن مرة فى الاسبوع تعملى حمام ترطيب بمعنى تملى البانيو بماء دافئ وتتضعى فيه من الاعشاب العطرية او الاعشاب الى بيساعد على استرخاء الجسم  لمدة نص ساعة الطريقة دى هاتفرق جدا بيساعد على استرخاء الجسم 

تاسعا  لو مش قادرة توصلى لظهرك اثناء الاستحمام فى فرش طويلة لمنطقة الظهر وتنظيفه لان لو لم يتم تنظيف المنطقة دى بتخلى الخلايا تتراكم وبيغمق

ازاى تحضرى بشرتك للمكياج

 مهم جدا اننا نضع المكياج على بشرة نضيفة وخالية من الشوائب عشان يدينا اطلالة جميلة للمكياج  

هانعرف خطوات ازاى تحضرى بشرتك للمكياج عشان يبرز جمالنا اكتر

اولا كريم النهار وكريم العين

قبل مانضع المكياج لازم نضع كريم النهار وكريم العين لانه بيرطب البشرة وبيحمى البشرة من المكياج وعشان المكياج لا يتشقق على البشرة 

ثانيا واقى الشمس(صن بلوك)

 
غلط جدا اننا  واقى الشمس او صن بلوك على البشرة قبل المكياج لان الواقى تقييل ممكن يؤدى الى تسييل المكياج بالاضافة عشان يكون الواقى بيكون ليه فاعليه اكتر لازم نضعه كل ساعة لو بشرتك معرضة للشمس وماينفعش نضع المكياج فوقه

ثالثا الماسك 

غلط جدا اننا نعمل الماسك وبعده المكياج لكن من الافضل اننا نعمل الماسك ليوم واحد على الاقل قبل المكياج

رابعا ادوات وفرش المكياج

  

ادوات وفرش المكياج مهمة جدا لانه بيساعدك انك تضعى المكياج بطريقة صحيحة  ونقدر نتحكم اكتر فى وضع المكياج ولازم تكون ادوات المكياج نظيفة 

خامسا الاضاءة 

لازم نختار مكان كويس تكون الاضاءة فيها كويسة عشان نتمكن من وضع المكياج صح

سادسا القطرة والعدسات 

لو بتستخدمى القطرة او العدسات لازم تضعيها قبل المكياج لان ممكن عنيكى تتدمع ويفسد المكياج