احدث صيحات موضة الحقائب بالوان جريئة وقوية 2013|2014 من كارولينا هيريرا

كارولينا هيريرا هى مصممة ازياء وسيدة اعمال اهتمت بازياء السيدة جاكلين كنيدى لمدة 12 عام واخير فهى تقدم مجموعة من الازياء والحقائب الجلدية الفاخرة لموضة الموسم صيفا او شتاءا  وقد قدمت كارولينا هيريرا مجموعة من الحقائب لربيع 2013 تتسم باللوان الصريحة والزاهية وقوية   من الازرق والاصفر والاخضر والبنفسجى والبرتقالى والذهبى والحقائب الكبيرة والصغيرة وذات السلاسل المعدنية

 احدث صيحات موضة الحقائب بالوان جريئة وقوية 2013|2014 من كارولينا هيريرا

 احدث صيحات موضة الحقائب 2013|2014 من كارولينا هيريرا

تعالى شوفى انواع الاحذية واختارى الحذاء المناسب ليكى

الاحذية جزء لا يتجزء من الاناقة والموضة وبيكون حاجة مهمة اوووى فى الموضة وبيعبر عن شخصية المراءة عشان كده اختيار الحذاء مايقلش اهميته عن الملابس وموديلاتها من حيث شكل ولون الحذاء وموديله عشان كده واحنا بنختار الحذاء لازم نختار المناسبة الاول وكمان طبيعة الجو اذا كان صيف او شتاء عشان كده هنلاقى انواع كتير من الاحذية هانعرفها ومكان استخدامتها الى يتناسب مع كل الاوقات والمناسبات 

تعالى شوفى انواع الاحذية واختارى الحذاء المناسب ليكى 

1. أحذية الباليه (الباليرينة)

 الاحذية دى بتكون من غير كعب وانتشر كتير خلال السنتين الى فاتو واسماها باليرنية لانها مستوحاه من حذاء الباليه ممكن نلبسها فى كل الاوقات ومعظم البنات بيلبسوها لانها مريحة وعملية سواء كنتى رايحة الجامعة او هاتتسوقى 

2.أحذية الكعب العالى

الاحذية بتكون مرفوعة من الخلف وبترفع القدم من الاسفل وبيكون ليها اشكال كتير واطوال مختلفة الاحذية دى بتستخدم للمناسبات الرسمية والافراح لكن فى بعض ناس بيستخدمها فى اليوم العادى 

3.الصندل 

بيكون شكل الحذاء مفتوح وبيناسب الصيف وممكن يكون بكعب او من غير كعب ممكن نلبسها فى المناسبات او فى اليوم العادى وبيتلبس مع انواع كتير من الملابس

4.أحذية الروكى

بتكون مرتفعة من الخلف وبيكون النعل مصنوع من المطاط او الخشب عشان تكون مريحة وممكن يتلبس فى الصيف والشتاء وبتناسب كل الفصول

وده المقفول

5.الاحذية الرياضية

بتكون مريحة جدا فى اللبس وبيبقا حلو اوى للرياضة وممكن يتلبس فى الجامعة او الخروج 

6.الاحذية الشتوية

بيكون ليها اشكال كتيرة ومعروف اننا بنلبسها فى فصل الشتا لانه بيكون حماية من الامطار والبرد وبيكون منه القصير والطويل وبيكون باحجام والوان مختلفة ومنها بيكون شاموا والجلد ومنها بيكون بكعب او من غير

الحمام المغربى وطريقته لجمال كل عروسة وكل واحدة بتهتم بنفسها

اليوم هانتكلم عن الحمام المغربى وعن مكوناته وطريقته وفوايده وبتكون طريقتها سهلة وبخطوات منتظمة لكن فايدتها اكتر من رائعة ومع الاستمرار والمداومة بتكون النتيجة اروع

الحمام المغربى وطريقته لجمال كل عروسة وكل واحدة بتهتم بنفسها

اولا الادوات المستخدمة 

الصابون المغربى وبيكون بزيت الزيتون

وبيكون تقيل ولونه غامق زى كده

الليفة المغربى وبتكون خشنة

الطمى المغربى

مياه ورد

عصير ليمون

الحجر الخفاف

الطريقة عمل حمام مغربى

1.لازم نسخن نملا البانيو على الاخر بمياه ساخنة ونقفل الشبابيك كويس بحيث يكون الحمام يكون فيه بخار ونقعد فى البانيو لو معندكيش بانيو يبقا نفتح الميه السخنة ونقف تحت الدش 10 دقايق حسب ما جسمك يتحمل الحرارة
2.بعد كده نعصر الليمون على الصابون المغربى ونفرده على الجسم بالكامل ونتركه لمده من 10 دقائق لحد ربع ساعة وبعد كده نشطف الجسم بالمياه الساخنة  من الصابون كويس
  3.نفرك الجسم بالليفة المغربية من الاسفل للاعلى باتجاه القلب وبحركات دائرية عشان ننشط الدورة الدموية  ونركز على المناطق الخشنة بالجسم زى الركبتين والكوع هنلاحظ ان ازاى الخلايا الميتة بالجسم تتطلع
4.خلط الطمى المغربى بماء الورد ونفرده على كامل الجسم
5.فرك القدمين بالحجر الخفاف عشان نزيل الخلايا الميتة منها
6.شطف الجسم من الطمى بالكامل وغسله بصابون مرطب متوفر عندك ولازم يكون الماء بارد عشان نقفل مسام الجسم 

فوائد الحمام المغربى

بينظف البشرة والجسم وبيزيل الخلايا الميتة 
بيعطة للبشرة والجسم الرقة والنعومة 
مع الاستمرار هتلاحظى انه بيفتح الجسم 
بينشط الدورة الدموية ويهدى الاعصاب 
بيزيل السموم من البشرة والمياة الزائدة بالجسم 

اعملى تسريحات ليكى وانتى فى البيت بسيطة وسهلة بالخطوات ... لوك جديد

اكيد كل واحدة بتحب تغير من شكلها او من لوكها سواء بالميكب اواستايل لبسها او ممكن تسريحات للشعر الى بيديكى مظهر جميل وسيمبل جدا وانتى فى البيت هانتعلم ازاى نعمل تسريحات سهلة بالخطوات

اعملى تسريحات ليكى وانتى فى البيت بسيطة وسهلة بالخطوات ... لوك جديد

صيحة ال BB كريم الجيل الثالث فى عالم الكريمات

 البشرة بتحتاج لعناية  كتيرة من الروتينات خصوصا مع البنات او السيدات عشان يكون شكل بشرتهم جميل ومايكونش فيه اى مشاكل زى البقع او عدم توحيد البشرة وغيره وكمان البشرة بتحتاج لترطيب وحماية اى البشرة من الاضرار

لكن ظهر جيل جديد فى الكريمات هو الجيل الثالث BB كريم

BB اختصار لكلمة (Blemish Balm) استخدموه اطباء الجلدية فى المانيا لما لوحظ له مميزات استثنائية وخاصة فى ترطيب وتهدئة البشرة بعد تقشيرها وبعد كده الى كوريا وعملت ضجة كبيرة والى بدات ممثلات ونجمات هوليود فى استخدامه والى كشفو عن سر جمالهم باستخدام BB كريم

يعنى الكريم فاونديشن ومعالج للبشرة فى نفس الوقت يعنى بيكون متوفر بلون الفاونديشن وفى نفس الوقت بتعالجى بشرتك وهنلاقى ماركات بتنتج النوع ده من الكريم 

صيحة ال BB كريم  الجيل الثالث فى عالم الكريمات

ايه الفرق بين BB كريم والكريمات الاخرى ؟

BB كريم جيل جديد فى كريمات البشرة وكمان فعاليته ونتائجه اكتر من الكريمات العاديه وبيجمع بين الكريمات المعالجة لمشاكل البشرة يعنى بيجمع مميزات منتجات العناية بالبشرة للترطيب وفى نفس الوقت بيعطى تغطية خفيفة للبشرة 

مميزات BB كريم

بيوحد لون البشرة

بيحمى البشرة من اشعة الشمس يعنى بيكون عامل حماية 

مرطب للبشرة واحيانا بيكون معالج للتجاعيد

بيغطى العيوب والشوائب

بيتوفر منه الوان الفاونديشن 

اشراقة ونضارة للبشرة 

أزياء خريف شتاء للمحجبات 2013 للمصممة الازياء جيلان عاطف

بنات كتير خصوصا المحجبات بتحتار تلبس ايه وايه نوعيه الملابس الى بيناسبها كمحجبة عشان كده مصممة الازياء المحجبات جيلان عاطف بتقدم خط موضة للمحجبات قمة فى الشياكة والاناقة لكل بنت 

أزياء خريف شتاء للمحجبات 2013 للمصممة الازياء جيلان عاطف تنوعت ما بين الوان والقصات المختلفة  وكمان الاكسسورات المهم نختار الموديل الى بيليق على شكل جسمنا وكمان الوان الى تليق على لون بشرتنا 

بالنسبة للالوان هنلاقى الاسود ولعشاق الاسود فى الشتاء وكمان الالوان الغامقة زى البنيات وكمان الالوان الفاتحة زى الاورنج والاخضرواللوان القوية زى الاحمر والوان هادية زى الموف