اعملى صنفرة لجسمك وفتحى اى منطقة غامقة فى الجسم..لكل عروسة

النهاردة هانتكلم عن ازاى نفتح اى منطقة فى الجسم وهاتكون للعروسة هانتكلم فيها عن اسرار التجميل الى بتحتاجها اى عروسة

وخصوصا المنطقة الحساسة الى بتهتم بيها اى عروسة مقبلة على زواج 

خبيرة التجميل رانيا هاتدينا بعض النصايح الى ازاى نهتم بالجسم ونعمل صنفرة ونفتح اى منطقة فى الجسم وكمان هاتقولنا على بعض الكريمات الطبية الامنة الى ممكن نستخدمها لتفتيح المناطق دى بجانب بعض الوصفات الطبيعية الى ممكن تعملها اى عروسة قبل فرحها

اعملى صنفرة لجسمك وفتحى اى منطقة غامقة فى الجسم..لكل عروسة

كريمات طبية لتفتيح المناطق الحساسة 

اول كريم معانا وهانتكلم عليه النهاردة هو كريم (ليكوسيد) Lucocid ده كريم طبى وامن بنستخدمه لتفتيح

 المناطق الحساسة هو بيعمل على تقشير طبقة الجلد الميت الى

 مسبب الاسمرار وكمان بيزيل الحبوب الصغيرة الى بتظهر فى

 الاماكن دى 

طريقة استخدامه 

اولا : هانزيل الشعر تماما من المنطقة الحساسة سواء

 بالسويت 

او الشمع او البروان حسب ما بترتاحى وتنضفيها كويس جدا 

باستخدام الليفة وصابون بس يكون صابون طبيعى زى صابون 

الغار مثلا وتشطفى بالمياه كويس وتنشفى بفوطة تكون نضيفة 

وتدهنى المنطقة بالكريم وتسبيه لمدة ساعة وبعد مرور ساعة 

بنغسل المنطقة كويس بالمياه فقط وبعد كده نستخد كريم اسمه 

(تروسيد)Trocyd ونسيبه على البشرة لمدة ساعتين او 3 

ساعات الكريم ده فايدته انه مهدئ للجلد يعنى ممكن نسيبه

 فترة 

طويلة مش مشكلة 

بنكرر العملية دى مرتين فى اليوم ونستمر عليها لمدة شهر 

ونص او شهرين وبعد كده نوقف الكريم لمدة شهر ونستخدم

 الوصفات الطبيعية وبعد كده نرجع نستخدم الكريمات تانى

ملاحظة لازم نعمل ازالة الشعر قبل استخدام الكريم ب 3 ايام

كمان مانستخدمش اى حاجة على البشرة زى العطور او مواد

 فيها نسبة كحول عالية لانها ممكن تسبب التهاب جامد للبشرة 

ونلاقى 

السمار رجع تانى 

وصفات طبيعية لتفتيح المناطق الحساسة 

واحنا بنستخدم الكريمات هانستخدم الوصفات الطبيعيية وهى عبارة عن 

عصير الخيار

خليط النشا بالمياه 

ونخلطهم ونحطها على المنطقة الحساسة بشرط انها تكون

 نضيفة تماما من الكريمات

بعد ما نخلص استخدام الكريمات هانستخدم 

كريم (البانثينول) Panthenol وده كريم معروف ومش

 غالى 

بنبدا نستخدمه لمدة شهرين لتلاتة لحد ما نحس الجلد رايق 

والكريم ده مفيد جدا للبشرة والجلد 

طب ازاى نعمل صنفرة للجسم

طب ازاى هانعمل الصنفرة بالسكر

المقادير

• ملعقة سكر
• 
  
• ملعقة زيت زيتون
• 
  

هانخلط زيت الزيتون بالسكر ونعمل بيها صنفرة للجسم بعد ما

 نكون غسلنها ونظفنها ونسيب الماسك ده على الوجه لمده

15:10 وعلى بشرة الجسم 30:20 والماسك ده بيتكرر كل

اسبوع او 10 ايام ومع الاستمرار هاتحصلى على نتيجة رائعة

 لان اى حاجة فيها سكر له تأثير فى تفتيح

11 نصيحة لرشاقة اكتر فى رمضان

اغلب الناس بتعانى مش مشكلة الافراط فى الاكل فى رمضان خصوصا الحلويات لاننا مش بنلتزم بالعادات الصحية بسبب الشعور بالجوع وقت الصيام

عشان كده هانقول بعض النصايح ازاى ناكل بشكل سليم عشان نقدر نحافظ على رشاقتنا ووزننا فى رمضان

11 نصيحة لرشاقة اكتر فى رمضان

1.هانبدا الفطار بشرب كوب ماء كبير من الماء او اللبن مع 3ثمرات من التمر وبعد كده ممكن نصلى المغرب ونكمل فطارنا عادى ويفضل اننا نبدا بطبق الشوربة

2.مهم جدا طبق السلطة يكون موجود على السفرة بشكل دائم لانه بيمد الجسم بالفيتامينات الى بيحتاجها

3.طبخ الاكل بطريقة صحية ونحاول بقدر الامكان الابتعاد عن المقليات وممكن نستبدل بيها الاصناف المشوية 

4.يفضل عدم وضع قطعة اللحمة او الفراخ فى الشوربة اذا كانت موجودة فى الطبق الرئيسى

5.تجنب وضع المواد الدهنية الغير صحية فى تحضير الاكل زى السمن النباتى ونستبدلها بزيوت صحية زى زيت الزيتون او نقلل من الزبدة او السمنة

6.نختار اللحوم قليلة الدهون لتحضير الاكل

7.نقلل من الحلويات الغنية بالدهون ونحاول نختار انواع صحية زى الارز باللبن او المهلبية او الجيلى

8.نحاول ممارسة رياضة المشى بعد تناول وجبة الافطار بساعتين او 3 ساعات ولا يفضل المشى مباشرة بعد الافطار لانه ممكن يسبب صعوبة فى الهضم 

9.وجبة السحور مهمة جدا بس لازم تكون صحية ومايكونش فيها دهون او سكريات الى بتسبب الشعور بالعطش طول اليوم 

10.ينصح بتناول الاكثار من الفواكه والخضروات الى بتحتوى على الالياف 

11.الاهتمام بتناول كمية كبيرة من السوائل والماء بعد تناول الافطارلتجنب جفاف السوائل فى الجسم خصوصا مع درجات الحرارة العالية هذه الايام

اهتمى باظافرك لتكمل انوثتك

اهتمى باظافرك لتكمل انوثتك

عشان نقدر نحصل على اظافر جميلة وصحية بيتطلب مننا عناية كبيرة من الداخل والخارجومنها:

1.مهم جدا تهتمى بتغذيتك لانها بتاثر على كل اعضاء واطراف جسمك ودورها مهم جدا فى صحة الاظافر 

ومن الاطعمة المهمة والمفيدة للاظافر 

اللوز الى بيحتوى على احدى الاحماض الامينية الى بيحتاجها الاظافر 

الاطعمة الغنية بالحديد والكالسيوم والبوتاسيوم وفيتامين B 

شرب المياه مهم جدا لتر فى اليوم لانها بتاثر على حالة الاظافر

2. طريقة برد الاظافر مهمة جدا لجمال وقوة الاظافر فلازم نراعى اننا عدم بردها كتير من الزوايا لانه بيضعف الظفر 

3. بعد بردها لازم نغسلها بمياه فاترة 

4.ممنوع نستعمل الاظافر فى فتح العلب القاسية لان بتؤثر على قوتها

5.حاجة مهمة جدا اننا لازم نخلى الاظافر قصيرة عشان نحافظ على قوتها ونظافتها

6. تقليهما بتنشط الدورة الدموية للاظافر وبالتالى بيزيد اللمعان الطبيعى للاظافر

7.لازم نهتم بالبشرة حول الاظافر عشان يكون شكل الاظافر جذابة باستخدام المرطبات المخصوصة للاماكن حول الاظافر وياريت نختار ماركة كويسة ومعروفة وبيكون بيحتوى على زيت عشان يطرى الجلد المحيط بالظفر

8.مانحولش نقص الجلد المحيط بالظفر لانه بيحمى منبت الظفر وقص الجلد بيشيل الطبقة الى بتحمى الظفر من البكتيريا الى بيؤدى لالتهاب الظفر 

9. قبل وبعد استعمال المياه لازم نرطب اليد والاظافر بكريم مرطب 

10.عقمى ادوات الباديكير كويس بعد كل استعمال 

11. حاولى ماتستخدميش مزيل المانكير او الاسيتون كتير لان بيخلى الظفر ضعيف وجاف 

شبكة ذهب العروس من لازوردى 2013

اطلقت دار المجوهرات لازوردى مجموعة انيقة من الاطقم الذهبية للعروس اهذا الموسم 2013

المجموعة الجديدة فى قمة الفخامة والاناقة وتنوعت بين القلائد  والخواتم والحلقان والاساور 

تميزت المجموعة الجديدة بالدقة واناقة التصميم وخفة الوزن وسطوع الالوان

لان لازوردى بتتميز بالخبرة والحرفة العالية 

الاطقم من الذهب الاصفر و الابيض عيار 18 

لازوردى يقدم لكى مجموعة فريدة من المجوهرات والذهب بتصاميم انيقة وفخمة

شبكة ذهب العروس من لازوردى 2013

وصفات لتفتيح الركب والكوعين فى اسبوعين بس واتخلصى من الغمقان

غمقان فى الركب او الكوعين بتكون مشكلة كبيرة لان بيكون لونه مختلف عن لون الجسم وده ليه اسباب كتيرة منها:

1.عدم استخدام الصنفرة وبالتالى الخلايا الميتة بتتراكم ولونها بيغمق

2.الاحتكاك سواء لو بتسندى كتير على الكوع او الركبة لازم ننتهى من الموضوع ده فورا

3.قلة الترطيب

طب ازاى نعالج المشكلة الغمقان والى هاتروح باذن الله بالوصفات الى هانقولها بس لازم نصبر لان النتيجة ممكن تاخد وقت وحسب درجة الغمقان

طريقة التفتيح

1.هانعمل صنفرة لمنطقة الركب والكوعين مرتين فى الاسبوع مع استخدام كريمات الترطيب 

2.هانعمل حمام مغربى ودى طريقتها

اضغطى هنا

وصفات التفتيح

الوصفة الاولى

هانخلط معلقة من الجلسرين مع تلات معالق اللبن ومعلقة من عصير الليمون  وكبسولة فيتامين e ودى بنجيبها من الصيدلية  وندهن بيها الركب والكوعين لمده 15 دقيقة وبعد كده نغسل البشرة بالماء ونكررها 3 ايام فى الاسبوع 

الوصفة الثانية

نخلط معلقة من زيت الزيتون مع شوية من عصير الليمون  وندهن بيهم مناطق الاسمرار قبل النوم ومع الوقت هتلاحظى التفتيح تدريجيا

الوصفة الثالثة

هاندوب 3 معالق كبيرة من الفازلين فى حمام ماء سخن مع معلقة عصير ليمون ومعلقة من الجلسرين ونقلبهم كويس ونحطهم فى علبة كريم فاضية عندنا وندهن بيه يوميا على المنطقة الى فيها اسمرار مع لبس شراب قطن او لفها بكيس بلاستيك وتعتبر الخلطة دى اقوى الخلطات

لو بشرتك فاتحة اعرفى ازاى تختارى الوان مكياجك

لو كانت بشرتك فاتحة اوى فغالبا هتلاقى صعوبة فى اختيار الوان المناسبة ليكى لانك لو اخترتى الوان فاتحة وبسيطة ممكن يخلى الشكل مش لطيف ولو اخترتى الوان قوية بيبان كانك حاطة مكياج كتير عشان كده

 هانقدم شوية نصائح عشان يساعدك ازاى تختارى مكياج جميل ورقيق فى نفس الوقت

لو بشرتك فاتحة اعرفى ازاى تختارى الوان مكياجك 

1.حاولى تبعدى عن كريم الاساس الى بيكون ليه لون وردى خافت (pink undertone)

2.ماينفعش تستخدمى البودر البرونزى لانه بيظهر بلون برتقالى على البشرة الفاتحة وبيكون شكله مش لطيف

3.لو عايزة تضيفى بعض اللون للوجه ممكن تختارى اغمق  بدرجة او بدرجتين من لون بشرتك الاصلية

4.بالنسبة للبلاشر او احمر الخدود ماينفعش تختارى لون قوى وساطع زى الفوشيا او الاحمر لازم تختارى لون هادى زى الروز

5.بالنسبة للعيون ماينفعش نزود فى الكحل اوى لانه بيكون شكله مش طبيعى ونحاول نبعد عن اللون الاسود ونستخدم الوان تانية 

6. بالنسبة للايشادو نحاول نركز الالوان على الجفون ومانرفعش اللون للحواجب ولا تحت خط الرموش 

7.بالنسبة للروج او احمر الشفاه نحاول نبعد عن الوان زى  اللون البيج وممكن نستخدم الوان قوية لكن بقدر الامكان نحاول نبعد عن اللون البرتقالى لانه بيخلى الاسنان لونها مصفر شوية

وصفة سحرية لحرق الدهون وكونى رشيقة

الاخصائى الطب الطبيعى الدكتور عبدالله القشيرى قال فى برنامج التفاح الاخضر ان الى بيقوم بالريجيم لازم يتبع نظام غذائى يكون السعرات الحرارية فيه قليلة بالاضافة لممارسة الرياضة لان بيكون عامل مهم للحصول على الرشاقة 

وصفة سحرية لحرق الدهون وكونى رشيقة 

ونصح الدكتور عبدالله القشيرى بوصفة سهلة وبسيطة ممكن نعملها عشان نحرق ونتخلص من الدهون وبتتكون من

الشاى الاخضر 

معلقة فلفل اسود 

هانضيف الفلفل الاسود للشاى الاخضر عشان بيعمل مضاعفة من فاعلية الشاى الاخضر ونشربه يوميا 

ماسك طبيعى لشعرك وتخلصى من الاطراف الشعر المقصفة

الاطراف الشعر المقصفة بتكون مشكلة لاى بنت لانه بيفقد شكله وبيحرمها من الشعر الجميل عشان كده بنحاول بكل الطرق اننا نوصل لحل المشكلة دى  

عشان كده هانقدم طريقة جديدة عشان نتخلص من اطراف الشعر المتقصفة عن طريق ماسك طبيعى سهل وبسيط وتخلصى من التقصف نهائيا

ماسك طبيعى لشعرك وتخلصى من الاطراف الشعر  المقصفة 

مكونات الماسك

صفار بيضة

3 ملاعق كبيرة زيت زيتون

معلقة عسل

الطريقة

هانخلط كل المكونات دى مع بعضها ونضعها على الشعر ونغطى الشعر بالبونيه لمدة 30 دقيقة وبعد كده نغسله بشامبو مخفف ويفضل يكون شامبو عشبى 

هانكرر الماسك ده مرتين فى الاسبوع ونقلل تدريجيا يبقى مرة فى الاسبوع لحد ما نتخلص من التقصيف تماما مع قص اطراف الشعر كل 3 شهور

اسباب الغمقان فى الجسم هاتعالجيها وهاتبقى منورة

الغمقان فى الجسم المشكلة الازلية لمعظم البنات والسيدات وفعلا بتكون مشكلة رخمة جدا عشان بيخلى المظهر مش لطيف اووى بس يا ترى المشكلة دى ايه اسبابها يعنى ربنا خلقنا كلنا اكيد من غير اى غلطة وعشان نعالج مشكلة الغمقان فى الجسم لازم نعرف الاسباب  وكمان ازاى نعلاجها ونتخلص منها عشان تكون بشرة جسمك جميلة ومنورة

اسباب الغمقان الجسم

1.ملابس النايلون وخصوصا لو باستك قوى او لو الملابس الداخلية ضيقة

2.الملابس الضيقة الى بيكون ماسك على الجسم بيسبب احتكاك وممكن يسبب التهاب الى بيؤدى للاسمرار مع العرق فى الملابس

3.من ضمن اسباب الاسمرار وبيعتبر اساسى الاحتكاك الى ناتج عن زيادة الوزن فلازم نحاول ننقص من وزنا ولازم نلبس ملابس قطنية زى الشورت يكون قطن عشان يمنع الاحتكاك

4.عدم النظافة دى مشكلة كبيرة جدااا وبيكون سبب اساسى فى الاسمرار بين الفخذين 

5.بالنسبة لمزيلات العرق الى بيكون فيها ماركات رديئة للاسف لازم نختار نوع نظيف ويكوفن فيها نسبة الكحول قليلة

6.لازم تكون ملابسنا قطن ونبعد عن الخامات الصناعية زى النايلون الى بيؤدى للالتهاب وبعد كده الاسمرار

7.وضع مزيلات العرق بعد ازالة الشعر مباشرة لازم تستنى على الاقل يومين لان المنطقة بتكون حساسة جداا ممكن فى اليومين دول تحطى بودرة اطفال

8.ازالة شعر الابط بطريقة خطأ بالتالى المنطقة تلتهب وبالتالى بيغمق لونها 

اسباب الغمقان فى الجسم هاتعلجيها وهاتبقى منورة

طريقة تفتيح الجسم

اضغطى هنا

اضغطى هنا(2)

موضة الاحزمة العريضة 2013 من ماركة Balmain

اطلقت ماركة بالمن مجموعة من الاحزمة العريضة التى تناسب فساتين السهرة بالوانها المختلفة الذهبى والابيض والاسود والبنفسجى والفوشيا

موضة الاحزمة العريضة  2013 من ماركة Balmain

احذية عصرية و انيقة من ماركة جيانفيتو روسى

اطلقت ماركة جيانفيتو روسى مجموعة جميلة من الاحذية الانيقة والرائعة للمناسبات والسهرات وبتصاميم مختلفة ومتميزة وعصرية وهى من اهم ماركات للمصممة باريس هيلتون  نظرا لاناقتها الرائعة 

احذية عصرية و انيقة من ماركة جيانفيتو روسى