الثلاثاء، 31 يوليو 2012

نصائح دكتور أوز للتخلص من دهون البطن....Dr.Oz

من اهم وسائل نجاح اى ريجيم او حمية غذائية من وجهة دكتورأوز هى قوة  ارادة الانسان وتوصل دكتور أوز لاسرار الخمسة للتخلص من دهون البطن






1. لازم نكتر من الالياف والبقوليات والحبوب والمكسرات والتوت وبعض الفواكه زى التفاح والموز والخوخ والتين والكمثرى والزبيب والمشمش خصوصا وفى وقت الفطار والخضروات الى اوراقها خضراء زى الخس والسبانخ وغيرها لان الامعاء بتاخد وقت كبير فى امتصاص زى الاكلات دى بيعطينا  الاحساس بالشبع لمدة طويلة



2. اكتر الاخطاء الى بتقع فيها ناس كتيرة تناول الاكل اثناء مشاهدة التلفزيون او استخدام الانترات لان بيخلى الانسان ياكل كميات كبيرة من غير ما يشعر وبالتالى هاياخد سعرات حرارية كتيرة

3.خداع الجسم وجعله الشعور باحساس الشبع عن طريق تناول المكسرات قبل الوجبة الاساسية بنص ساعة لان بيرفع هرمون الشبع المسئول عن احساس بالشبع وبالتالى لما الانسان هايتناول الوجبة الاساسية هاتكون بكمية اقل
4.طبعا عادة سيئة جدا تناول المشروبات الغازية مع الاكل لكن احنا ممكن نبدلها بماء لان المشروبات الغازية بتحتوى على مادة الفركتوز الى بيعمل على ذبذبة فى هرمون الشبع يعنى المشروبات الغازية بتأخر الاحساس بالشبع

5.مهم جدا الرياضة الى هاتساعدنا على التخلص من الدهون وتقوية العضلات والمشى وممكن ممارسة 10000 خطوة لان العضلات بتحرق كمية كبيرة جدا من الدهون اكتر من الانسان العادى بيحرقه يوميا وطبعا بتساعد على تقوية الهيكل العظمى

نصائح دكتور أوز للتخلص من دهون البطن خطوات سهلة وبسيطة والهدف منها التخلص من الدهون والحفاظ على طاقة وحيوية الجسم

  

الاثنين، 30 يوليو 2012

نصائح د. أوز لخسارة الوزن دون الاحساس بالجوع وبدون حرمان..Dr.Oz


دكتور أوز (Dr.Oz) بيقدملنا بعض النصائح لخسارة الوزن وفى نفس الوقت عدم الاحساس بالجوع وبدون حرمان

ومن خلال ابحاث دكتو اوز توصل ان ممكن الانسان يعمل ريجيم على الاكل المفضل ليه وكمان بدون حرمان الى بتفرضه على اكلات معينة
دكتور اوز بيقول ان فى هرمونين مسئولين عن الشبع والجوع
الجوع
الشبع
طب ازاى بيشتغل الهرمونين دول
اولا هرمون الجوع مسئول عن احساس بالجوع لما بتكون المعدة فاضية وبيحصل كل نص ساعة ولما الواحد بيتجاهل الهرمون ده بيزيد اكتر فبيشعر بالجوع اكتر لدرجة ممكن انه يوصل لمرحلة ياكل اى حاجة عشان يقضى على الاحساس ده
عشان كده الى بيعمل ريجيم قاسى او معين بيفشل فى انزال الوزن
طب ايه نصايح دكتور أوز عشان نقلل من الاحساس بالجوع ده


اول نصيحة
قبل نص ساعة من تناول الوجبة الاساسية يا اما تاكلى كمية بسيطة من المكسرات يعنى 4 او 5 وحدات
او
تاكلى فاكهة صغير يعنى ممكن تفاح اوى اى فاكهة تانية
او
الالياف
طب ليه بنعمل كده لان هرمون الجوع بشتغل كل نص ساعة
تانى نصيحة
ناكل الاكل بطريقة بطيئة لان الطريقة دى بيدى فرصة لهرمون الجوع انه يتراجع وبينخفض مستواه وبالتالى هاناكل كمية اقل
 ثانيا هرمون الشبع مسئول عن احساس بالشبع وهو بروتين موجود بالجسم وكمان بيساعد على حرق السعرات الحرارية يعنى لو قدرنا نرفع مستوى الهرمون ده هانقدر نتحكم فى شهيتنا
النصيحة التالتة
عشان نرفع مستوى هرمون الشبع نبتعد عن الاطعمة المصنعة لان فيه شراب فرتكوز الى بيخلى الشهية مفتوحة زى المشروبات الغازية وزى الاطعمة خالية الدسم طب هانعرف منين ان الاطعمة دى بتحتوى على المادة دى هنلاقى مكتوب عليها
hfcs
النصيحة الرابعة والاخيرة
الدهون الغير مشبعة هى الدهون الصحية وكمان مفيد جدا لصحة القلب وبتكون موجودة فى
المكسرات
زيت الزيتون
الاسماك زى التونا والسردين
الاوفوكادو
البذور المستخلصة من دوار الشمس الذرة والسمسم والكانولا ومفيدة جدا للشراين الدموية وللقلب
وانواع الخضروات
كلها كمان بترفع هرمون الشبع

وفى كمان اكلات الى فيها دهون غير مشبعة زى اللحوم الالبان والبيض وكمان بتسساعد على ارتفاع هرمون الشبع
يعنى الريجيم مش حرمان مش منع من الاكلات لكن هو نظام او سلوك فى حياتنا لو نفذنا هانقدر نحصل على جسم رشيق
وطبعا مهم جدا الرياضة كل العوامل دى اكيد هانوصل لخسارة الوزن دون حرمان من نصائح دكتور. أوز دون الاحساس بالجوع وبدون حرمان الى غيرت مفاهيم كتير فى الحمية الغذائية   

الأحد، 29 يوليو 2012

ازاى تختارى كريم اساس مناسب للون ونوع البشرة وانواعها

فى كتيير من البنات مش بتعرف تختار الفاونديشن المناسب لبشرتها ياما نوع مش مناسب للبشرة او اختيار لون غلط طب ازاى تختارى كريم اساس مناسب للون ونوع البشرة وانواعها
مهم جدا نحدد لون بشرتنا ايه ونعرف اذا كانت شاحبة او متوسطة او سمراء يعنى نحدد اللون المقارب للون الجلد الطبيعى بحيث ما يكونش اللون فاتح اوى فيعطينا منظر مش لطيف او غامق يتناقض مع لون الرقبة عشان كده مهم جدا وانتى بتشترى الفاونديشن وبتختارى  اللون تعملى تيست وتاخدى نقطة وتحطى فى منطقة الجبهة او الدقن وتشوفى هل اقرب للونك او مطابق ليه ولا لا وممكن تختارى درجة او درجتين افتح بالكتير ومهم جدا وانتى بتعملى التيست ده ان يكون الضوء الطبيعى  كمان جربى ثلاث درجات واختارى اقربهم لبشرتك   
اصحاب البشرة الفاتحة او الزهرية ينصح انهم يستخدمو الفاونديشن الى داخل فى تركيبته اللون الزهرى
اصحاب البشرة الحنطية او الخمرية ينصح بأستعمال فاونديشن الاصفراصحاب البشرة السمراء او الداكنة ينصح انهم يستعملوالفاونديشن الى داخل فى تركيبته اللون البرتقالى
طيب بالنسبة لونوع الفاونديش طبعا احنا عارفين ان فى انواع للبشرة
بشرة جافةبيفضل استخدام فاونديشن يكون اساسه زيتى
oil based
بشرة مختلطة  البشرة دى بتجمع بين الجافة والدهنية عشان كدا لازم نختار كريم اساس الى بتلائم انواع البشرة والفاونديشن المناسب ليها الكريم الى بيتحول للبودر
بشرة دهنيةلازم نختار فاونديشن خالى من الزيوت وبيبقا مكتوب عليها
Oil Free
شركات التجميل انتجت كريمات اساس حسب نوع بشرتك وكمان فى بعض الفونديشن الى فيها عامل حماية من الشمس لا تقل عن 15% وبعضها مقاوم التجاعيد وفى منها مرطب فى نفس الوقت
انواع كريمات الاساس
1.الليكويد فاونديشن
liquid foundation


سهل الاستخدام والاستعمال وبيتوزع بسهولة وممكن نمزج اكتر من لون وبينور الوش مناسب جداا لاصحاب البشرة الجافة وتغطيته من متوسطة لخفيفة
2.ستيك فاونديشن
stick foundation


النوع ده تقييل جدا وتغطيته عالية وعالبا بيستخدم للسهرات او الاعراس بتخفى العيوب والبقع بصورة كبيرة مناسب جدا للبشرة الدهنية والمختلطة 
3.كريم فاونديشن
cream foundation


بيكون تقييل وتغطيته متوسطة ومناسب للبشرة الجافة وبيستخدم للتغطية المتوسطة
3.موس فاونديشن
mousse foundation

وبكده هانعرف نختارفاونديشن مناسب لينا من حيث اللون والنوع للحصول على شكل جميل وطبيعى

لو عايزة تعرفى ازاى تحطى بودر بعد الفاونديشن عشان تثبتى الميك اب
اضغطى هنا

السبت، 28 يوليو 2012

وشك يبقى جميل وبيور من غير ميكب وانتى لسه صاحية من النوم

وشك يبقى جميل وبيور من غير ميكب وانتى لسه صاحية من النوم
كتير من البنات الى بيستخدمو الميكب زى قناع عشان يخفى اى علامات او هالات او شحوب الوجه الاعتقاد ده خاطئ جدا لان لما يكون وشنا بيور وطبيعى اجمل بكتير لان الهدف من الميكب ابراز جمال فى وشنا
طب ازاى وشك يبقى جميل وبيور من غير ميكب وانتى لسه صاحية من النوم
ودى حاجة تهمنا كلنا اكيد
طب ازاى نوصل للنتيجة دى وايه هى الخطوات دى
اولا تنضفى وشك كويس جدا جدا بماء الورد او اى غسول عندك خصوصا لو البشرة الدهنية فانضفتها مطلوبا جدا عشان نحد من الحبوب والرؤوس السوداء زى منتجات نيتروجينا
Neutrogena


او كلين كلير
Clean Clear

ثانيا نحط قلم كحل بطريقة خفيفة جدا ومانزودش يعنى نحط خفيف

ثالثا ترطيب الوجه للحفاظ على نضارة البشرة وطبعا هانستخدم الى يناسب بشرتنا سواء جافة او عادية او دهنية ويفضل مرطبات الجيل التالت الكريمات دى بتحتوى على زنك وفى زى اولاى Olay

رابعا نستعمل اى مرطب للشفايف ومرطبات كتير انواعها كويسة وفى بالفواكه زى Body Shop


خامسا شعرنا ياريت مانلموش ونحط فيه اى توكة او بنسه لا نسيبه لان المفروض الشعر بيتنفس والقصة بالذات مانرفعهاش

سادسا ابتسامتك هى سر جمالك اكيد  

الجمعة، 27 يوليو 2012

حمام عطرى لجمالك تقضى على كل المشاكل



وصفة اليوم هو حمام عطرى لجمالك تقضى على كل المشاكل بأذن الله
الحمام العطرى ممتاز لحل كل مشاكل البشرة
من سكرب للبشرة وازالة الشعر وهانهنتم بردو بشعرنا
الحمام العطرى هانحتاج نعملة مرة كل اسبوع او مرتين
الوصفة دى مفيدة جدا لينا لان هانوفر يعنى اقتصاديا
وكمان الخصوصية بدل مراكز التجميل وكمان عشان نتعلم اننا نعمل لنفسنا
طب هانحتاج ايه فى الحمام العطرى ده


خل تفاح
فوطة نضيفة اعشاب
1.اكليل الجبل او الروز مارى وممكن معاها نعناع  لازالة رائحة العرق
                 2.الافندر او الخزامى للبشرة الدهنية 
                    3.كاموميل لتفتيح البشرة وتنعيم
 ردة          
  عسل ابيض يكون نوع كويس             
    زيت زيتون وملح       
          جونسون اويل
(ماسك)
مية ورد+نشا+نص ليمون
اى كريم مرطب بتستعمليه
اى نوع حمام زيت او كريم بتستخدميه
ماسك صنفرة للوجة سكر
طيب هانعمل ازاى الحمام العطرى بكل الحاجات دى
اولا هانملى البانيو مية سخنة وهانحط فىه مغلى الاعشاب الى ذكرنها
حطى على شعرك حمام الزيت او حمام الكريم الى بتستخدميه ونحط بونيه بلاستيك لحد ما البانيو يتملى
وبعدها اعملى صنفرة لبشرتك بالسكر ونفركها بطريقة دائرية ونشطف وشنا وبعد كده نجيب العسل الابيض نحطه على وشنا وحوالين العين والشفايف
والبانيو وهو بيتملى نحط نص كوباية خل التفاح
هانقعد فى البانيو نص ساعة مش اكتر من كده
وبعد كده بنعمل صنفرة للجسم بالزيتون والملح للجسم كله بحركة دائرية من تحت لفوق
وبعد كده ناخد الكاموميل والردة نفس الحكاية نفرك بيها الجسم من تحت لفوق
وبعد كده نشطف الجسم كويس جدا
وبعد كده نجيب ماسك النشا نوزعة على الجسم كله
وبعد كده نشطف  الجسم من الماسك وشعرنا كله
واخر حاجة نحط جونسون بيبى اويل على كل جسمنا 
وبكده انتهينا الحمام ليه فوايد كتير جدا
تنشيط الدورة الدموية والجسم
نعومة وتفتيح
تهدئة الاعصابة
تجميل الجلد
تنظيف وازالة رواسب الجسم
تخفيف الالام الروماتزم
ازالة توترات العضلات واسترخاء الجسم بشكل عام

الأربعاء، 25 يوليو 2012

وصفة سهلة وجميلة لعلاج تشققات القدمين

                           وصفة سهلة وجميلة لعلاج تشققات القدمين 




اولانحضر الوصفة وهى عبارة عن
زيت زيتون
سكر
نص ليمون
حجر خفاف
ملح
اى كريم بستعميليه
دى وصفة سهلة وجميلة لعلاج تشققات القدمين
نجيب ميه سخنة يعنى يكون بقدر الامكان سخن ونحط فى المية ملح ونسيبه 10 دقايق لان المية السخنة مع الملح هايساعد فى ازالة الجلد الميت وبعد كده نجيب حجر الخفاف ونفرك بيه القدم كويس جدا ونشطف القدمين بمية وتفركك فص الليمون على القدمين ونسيبه 10 دقايق ونشطف القدمين تانى بالمية وننشف كويس جدا
بعد كده نجيب اى كريم بستعمله لكن يفضل كريم لعلاج تشققات القدمين اذا توفرت وندهن القدمين بالكريم ونلبس كيس بلاستيك ونسيبه مدة طويلة مافيش مشكلة لو نمتى بيها
النتائج الى هتلاحظيها
نعومة القدمين
ازالة الجلد الميت
تفتيح
تكرر الوصفة مرة كل اسبوع وطبعا مع الاستمرار هاتكون النتائج احلى بأذن

الأربعاء، 18 يوليو 2012

وصفة لنعومة الشعر بالعسل النحل

السلام عليكم ورحمة الله وبركاته
انا جاية النهاردة انقلكم وصفة لنعومة الشعر وتقليل الهيشان بالعسل الى داخل فى مستحضرات كتيرة الشامبوهات والكريمات
طب ازاى ندى نعومة ولمعان لشعرنا بطريقة طبيعية بعيد عن الكيماويات وبطريقة مضمونة


اولا هانجيب كوب ماء مغلى وعليهم 3 معالق صغيرة عسل ونقلبهم كويس اوى ونسيبه لما يبرد بعد كده ناخد الشاور وننشف شعرف بفوطة بحركة الطبطبة ونرش من البخاخ على شعرنا فى فروة الشعر والاطراف ونسيبه الطريقة دى ما تخليش الشعر بيلزق لانه العسل مدوب فى ميه وهتلاقى شعرك نعومة ولمعان تحفة عن تجربة






وصفة لصنفرة البشرة وتفتيحها




بسم الله الرحمن الرحيم

طريقة عمل سكرب طبيعى ونتيجتها روعة
فى انواع سكرب كتير فى محلات كتير بس احنا هانتعلم ازاى نتعلم ازاى نعمل سكرب فى البيت وكمان بطريقة رخيصة جدا ومش مكلفة ونتجيتها حلوة اوى
فى نوعين للسكرب للوش وللجسم والاتنين بيختلفو عن بعض
فوائد السكرب
ازالة الخلايا الميتة
تفتيح البشرة
نعنعومة البشرة
طريقة عمل الاسكرب
معلقة كبيرة سكر خشن
اى كريم بتستخدميه وممكن نيفيا او دوف او زيت زيتون



  
بندهن وشنا بالكريم خفيف جدا وبعد كده نحط السكر على وشنا وبحركة دائرية بسيطة نفرك السكر على وشنا عشان وشنا مايلتهبش وبنشطف وشنا بمية فاترة وطبعا لو ماعندكيش كريم بيكون زيت الزيتون بديل ليها الطريقة مجربة ومضمونة وكده هتلاقى وشك منور صافى ومنور وجمييل
ودى وصفة لصنفرة البشرة وتفتيحها 

لوك الميك اب السيمبل تحفة





بسم الله الرحمن الرحيم
النهاردة هانتكلم عن طريقة وضع الميك اب وهنتعرف عن انواع الميك اب السيمبل والملائكى والسموكى والسهرات طبعا فى انواع كتيرة للميك اب وكل نوع ليه وقت معين مثلا ماينفعش نحط ميك اب تقيل الصبح طبعا بيبقا المنظر مش ظريف ابدا لكن ضرورى جدا نعرف نحط الميك اب الصح فى الوقت الصح اول درس فى الميكب اب النهاردة هو الميك اب السيمبل وده بيختلف عن ميك اب النو ميك اب وهانعرف طريقته 
ازاى

الميك اب سيمبل وخطواته سهلة جدا وبيعتبر اساسيات الميك اب بس لازم نهتم جدا  بنوع بشرتنا ويكون بشرتنا نضيفة قبل ما نحط الميك اب هانشوف ازاى نحط ميك اب سيمبل بالخطوات

زى ما احنا شوفنا اللوك ده سهل وبسيط وطبعا فى لوكات كتيير للميك اب السيمبل وطبعا الالوان بتختلف حسب لون البشرة نختار الالوان دايما الى بتليق علينا

الخميس، 12 يوليو 2012

سر جمال بشرتك فى العسل

السلام عليكم ورحمة الله وبركاته
طبعا احنا هانتكلم عن العسل وفوايده الكبيرة جدا جدا بالنسبة للجسم لكن كمان ليه كمان فوايد كبيرة اوى بالنسبة لجمال البشرة
وهنلاقى ان العسل بيدخل فى مستحضرات سواء طبية او جمالية  زى الشامبوهات والكريمات
لكن احنا هانتكلم على فوايد  العسل لجمال بشرتنا  لانه بيحتوى على فيتامينات ومعادن وازاى نستفاد منه


بيغذى

بيفتح

بيوحد لون

بينعم

التخلص من حبوب

 بيأخر التجاعيد

وكمان بيدى نضارة

وطبعا بينفع لجميع انواع البشرة



طب نستخدمه ازاى

ممكن نستخدم العسل كامسك لوحده بنجيب من معلقة لمعلقتين عسل وبنحطه على بشرتنا وبنسيبه لمدة ربع ساعة ونشطف وشنا بميه فاترة  وبنشف وشنا

الطريقة التانية ممكن نضيف معلقة صغيرة من زيت اللوز المر او زيت جنين القمح ونستخدمه بنفس الطريقة

وهتلاقى وشك صافى جميل منور كأنك حطه كريم أساس
 وطبعا ده عن تجارب بنات كتير
وده هايبقى سر جمالك