أخطاء فى المكياج بتخليكى اكبر من سنك

المكياج ليها طرق كتيرة فى وضعها لكن ممكن يحصل بعض الاخطاء الى بيبن شكلك اكبر من سنك او بيديكى مظهر مش ظريف  

أخطاء فى المكياج بتخليكى اكبر من سنك

كريم الاساس(الفاونديشن)

بعض البنات بتحب  كريم اساس تقيل وسميك عشان تتدارى بيها عيوب بشرتها لكن فى النهاية بيخلى مظهر البشرة مش طبيعى ومتكتل ومش متساوى ابدا وكمان بيخلى شكلك اكبر سنا عشان كدا خبراء التجميل بينصحوا باستخدام كريم اساس خفيف وخصوصا الصبح وفى نفس الوقت لازم نراعى طبيعة البشرة يعنى لو بشرتك جافة  وبتحطى كريم اساس تقيل بيبين جفاف البشرة فلازم نعمل تقشير للبشرة لمدة 3 اسابيع مع ترطيب للبشرة

الكونسيلر

وضع الكونسيلر التقيل او السميك لاخفاء الهالات السوداء هايظهر الخطوط الرفيعة الى تحت العين  والتجاعيد اكتر لان الجلد تحت العين رقيق جدا مع الكونسيلر السميك بيمثل مشكلة  لازم يكون الكونسيلر طبيعى وخفيف ومقارب للون بشرتك ويكون توزيعه كويس

الاحمر الشفاه (ليب ستيك)

الالوان الغامقة من احمر الشفاه بيديكى مظهر اكبر من سنك  استخدى الالوان الفاتحة والبهجة زى الوردى او الخوخى والاحمر بدرجاته

البودرة

البودرة هى الخطوة الاخيرة فى المكياج  الاستخدام الكتير من البودرة بيظهر من التجاعيد اكتر وبيدى مظهر اكبر سنا  ممكن نقلل من استخدام البودرة ويفضل استخدام البودرة الشفافة

الاى لينر والماسكرا

استخدام الاى لاينر والماسكر على الجفن العليا بيدى اتساع ومظهر جذاب للعين لكن استخدامه على الجفن الاسفل بيدى ظهر اكبر سنا

احمر الخدود(بلاشر)

ضعى الالوان المبهجة زى الوردى او الخوخى عشان يديكى مظهر اصغر سنا

تحديد الحواجب

 حواجبك فى  عمر 20 غير حواجبك فى عمر 50 اختارى شكل حواجب يكون مناسب لعمرك مع تمشيط الحواجب بطريقة طبيعية
وفى النهاية لا تكونى مبالغة فى وضع المكياج وخصوصا الصبح وحاولى يكون مظهرك طبيعى اكتر

اهتمى بجمال بشرتك كل يوم بالروتين اليومى والروتين الاسبوعى

الروتين اليومى والاسبوعى لبشرتنا حاجة مهمة جدا وكل يوم عشان نحافظ على نضارتها وجمالها ونتفادى اى مشكلة فى البشرة  الروتين اليومى ليها خطوات معينة وسهلة مش هاياخد وقت كبير لكن هايفرق جدا معاكى لو اهتمتى ببشرتك 

اهتمى بجمال بشرتك كل يوم بالروتين اليومى والروتين الاسبوعى عشان تحصلى على بشرة صافية ونضارة

الروتين اليومى

 

تنظيف البشرة

مهم جدا تكون بشرتنا نظيفة من اى شوائب او دهون او اوساخ عشان نحافظ على صحة البشرة عشان كده ممكن نستخدم اى غسول للبشرة بس يكون منتج كويس للتنظيف العميق للبشرة  وكمان مناسب لنوع بشرتنا وده هانستخدمه يوميا بدل من الصابون كل صباح

استخدام كريم الليل والنهار

مهم جدا نستعمل كريم الليل والنهار وكل كريم وظيفة معينة ومختلفة عن بعض وبنستعملة يوميا كريم النهار بنستعمله بعد تنظيف البشرة وكريم الليل بنستعمله قبل النوم عشان نحصل على اكبر فائدة ممكنة من الكريم

كريم الليل

بيساعد على حيوية البشرة ونضارتها وبيكون كثيف شوية وبيحتوى على مواد بتكافح الشيخوخة

بيكون فيه بعض الفيتامينات الى بتعوض البشرة وخصوصا فيتامين e

مش بيحتوى على مركبات محجبات الشمس

كريم النهار

بيكون اقل كثافة من كريم الليل وبيساعد على نضارة البشرة 

بيحمي البشرة  من الشمس

 بيحتوى على مواد ضد الاكسدة

الروتين الاسبوعى 

تقشير البشرة

التقشير او السكرب مفيد جدا للبشرة لانه بيشيل الخلايا الميتة وبيخلى البشرة متجددة ممكن نستخدم منتج خاص بالتقشير او تقشير طبيعى بالسكر وزيت الزيتون

حمام البخار للبشرة

لو عندك جهاز بخار للبشرة بيكون كويس لو ماعندكيش ممكن تجيبى اى وعاء وتغلى مياه فيه وتعرضى وجهك لبخار المياه لمدة دقيقتين وهاتى قطن وامسحى وجهك وهكذا كررى الحكاية مرتين او ثلاثة والطريقة دى بتساعد على تفتيح مسام البشرة وازالة الاوساخ 

 ماسك للبشرة

اعملى ماسك مناسب لنوع بشرتك لمده 10 دقايق واشطفى وجهك بمياه فاترة

ترطيب البشرة

رطبى بشرتك باى نوع كريم مناسب لنوع بشرتك عشان يديكى نضارة اكتر 

وصفة لتطويل الشعر ممتازة وكمان بيقضى على القشرة

معظم البنات بتحلم بالشعر الطويل وكمجتمع عربى بيحب الشعر الطويل وخصوصا ان الشعر تاج جمالك 

الوصفة سهلة جدا وبسيطة لكن محتاجة استمرار عشان تلاحظى النتيجة كمان الوصفة دى بتقضى على القشرة يبقى كده انتى بتطولى شعرك ولو عندك قشرة بتتخلصى منها 

وصفة لتطويل الشعر ممتازة وكمان بيقضى على القشرة  خطواتها سهلة جدا

مكونات الوصفة

معلقة كبيرة خل

 

معلقة صغيرة عسل نحل

معلقة صغيرة ملح الاكل

ربع كوب زيت زيتون ويكون نوع كويس وممكن يكون بتاع الاكل

هانخلط المكونات دى ونسيبها حوالى ساعتين 

وهاناخد الوصفة دى ونحط منها بأيدينا فى فروة الشعر والشعر كمان وحتى الاطراف ونلبس بونيه ونقعد بيها 3 ساعات او اكتر شوية وبعد كده نغسله بالشامبو والبلسم ويفضل يكون عشبى او طبى هانعمل الوصفة مرة او مرتين  كل اسبوع

نتيجة الوصفة

هاتقضى على القشرة

هاتقلل الهيشان 

هاطول شعرك لحد ركبتك

لو رموشك خفيفة وضعيفة سهلة الكسر او مش طويلة ..اعرفى أسبابها..طريقة علاجها

مشكلة الرموش بتكون مشكلة كبيرة لو بتعانى منها سواء كانت الرموش بتقع وبتتكسر او مش طويلة وحاسة ان رموشك خفيفة

لازم نعرف ان الرموش جزء حساس جدا زى شعرنا وطبعا بسبب المعاملة الغلط بتظهر مشكلة فى الرموش سواء بسبب المعاملة القاسية او استخدام ماسكرا الملونة عليها او لو بتعملى فرد للرموش
زى ما قولنا ان الرموش حساسة زى الشعر بيحتاج لتغذية داخلية من خلال تناول طعام يكون صحى الجسم يستفاد منه ويكون متوزان وفى عناصر مفيدة زى الفيتامينات ومضادات الاكسدة ومعادن واحماض امينية عشان كده لازم نأكل خضروات وفاكهة بأستمرار
لو رموشك خفيفة وضعيفة سهلة الكسر او مش طويلة ..اعرفى أسبابها..طريقة علاجها بخطوات سهلة جدا هتلاقى رموشك قوية وجميلة وكثيفة

أسباب ضعف الرموش او سقوطها
سوء تغذية وعدم تناول فيتامينات والمعادن الى يحتاجها الجسم
 سوء المعاملة نتيجة فرد الرموش واستخدام الماسكرة بصورة مستمرة واستخدام نوع ردئ لازم تكون أصلى وامن عشان يحافظ على الرموش عشان مش يسبب فى جفاف الرموش

ازاى نعالج مشكلة الرموش وتكون قوية وطويلة وكثيفة
عشان الرموش تكون قوية وكثيفة وطويلة لازم نتجنب الاسباب الى ذكرناها
مانستخدمش الماسكرا بصورة مستمرة او يوميا ولو استخدمنها تكون اصلى ومتأكدين منها
ممكن نجيب ماسكرا طبية تكون امنه بتقوى الرموش وبترطبها
لازم نهتم بأزالة الميكب باستخدام مزيل مكياج العيون
نستخدم الماسكرا المغذية للرموش مرتين فى اليوم قبل الماسكرا لو هانحط ماسكرا و قبل النوم وهانلاحظ الفرق تدريجيا بأذن الله
احسن نوع ماسكرا طبية من فولتن الطبية كويس جدا بيقوى الرموش وبيطولها

كونى رقيقة وجذابة وناعمة بخطوات سهلة

لازم تعرفى  ازاى تكونى بنت رقيقة فى الكلام او المشى او الجلوس  او فى الحياة عموما والى لازم تراعيها فى حياتك عشان تكونى رقيقة ومحبوبة من الجميع عشان كده كونى رقيقة وجذابة وناعمة بخطوات سهلة وبسيطة لازم تتعودى عليها فى أسلوبك او حياتك بس بخطوات بسيطة

اولا المشى 

لازم نمشى برقة ونعومة وتكون المشية فيها رزانة وهدوء زى عارضات الازياء ماينفعش تمشى بسرعة ابدا  ويكون مرورك زى النسيم وانتى ماشية
ثانيا الاسلوب

لازم تبعدى عن الاسلوب الرجالى وانتى بتتكلمى لازم يكون اسلوبك ناعم وهادى ويكون اسلوبك كويس لان ده بيدى انطباع قوى عنك
ثالثا الالفاظ

لازم تركزى على الالفاظ وانتى بتتكلمى ماينفعش ابدا تكون الفاظك غريبة او خشنة زى الرجال لازم تكون الفاظك فيها انوثة
رابعا حركة ايديك

مهم جدا تاخدى بالك من حركة ايديكى وانتى بتتكلمى ماتكونش عفوية او قوية لكن تحركيها بمنتهى البطئ والنعومة وانتى بتتكلمى وبستخدميها وماينفعش تبصى على ايديكى وكأنك اول مرة تشوفيها
خامسا صوتك

بجد اكتر شئ بيدل على رقتك ونعومتك صوتك لازم صوتك يكون منخفض وانتى بتتكلمي ماينفعش يكون صوتك عالى او مزعج لازم يكون صوتك ناعم وهادى
سادسا الضحكة

لازم تخلى بالك من ضحكتك لازم تكون رقيقة ويكون حسب الموقف فى ضحكة ممكن تخليها بصمت يعنى مجرد أبتسامة او ضحكة فيه خجل او ضحكة يكون فيه شئ من الدلال والرقة
 سابعا مظهرك

ضرورى جدا انك تهتمى بمظهرك ولبسك لانه بيحدد شخصيتك للاخرين وتلبسى الملابس الى تناسب سنك وشخصيتك

تساقط الشعر .. أسبابها.. طريقة علاجها

تساقط الشعر مشكلة كبيرة جدا بالنسبة لكتير جدا من البنات بيشتكو ان شعرهم بيتساقط كتير ومش عارفين الاسباب الواضحة او ختى مش بيعرفو لبعض الاحيان يعالجو ازاى المشكلة دى وبتبقى حاجة مزعجة جدا للبنات ونبتدى نستخدم وصفات طبيعية بعضها بيجيب نتيجة وبعضها لا
هانعرف ليه الشعر بيتساقط وازاى نعالج التساقط و الاخطاء الى بنعملها عشان الشعر يتساقط وازاى نعرف نتعامل مع شعرنا لانه جزء حيوى وحساس جدا فى جسمنا بيتأثر بأى عوامل وبسرعة كمان

تساقط الشعر .. أسبابها.. طريقة علاجها
أسباب تساقط الشعر
تساقط الشعر كتيرة منها مرضية او بسبب اهملنا فى احتياجات الجسم وعدم اهتمامنا بشعرنا
الامراض
الصلع الوراثى وهى بتصيب الرجال والنساء
الثعلبة هو مرض متعلق بخلل فى جهاز المناعة ويختفى الشعر فى اماكن متفرقة
 خلل فى الغدة الدرقية او الانيميا
علاجات مرض السرطان سواء كيميائى او عن طريق الاشعاع بيسبب بسقوط الشعر
ممكن الحمى او بعد البرد العادى  بيسبب تساقط شعر
هوس شد الشعر يعتبر مرض لانها حالة نفسية زى نتف للشعر او شعر الحواجب والرموش
منتجات العناية بالشعر
كتير من المنتجات وخصوصا التجميلية بتسبب فى تساقط الشعر لانها تجارية
والاكيد الصبغة والفرد كتير من البنات بيحبو يصبغو شعرهم او يفردو ويرجعو يلاقو فى تساقط شعرهم بطريقة رهيبة لان الفرد والصبغات والفرد كلها مواد كيميائية والشعر حساس جدا فطبعا بيتأثر جامد
طريقة تسريح الشعر

طبعا الخطأ ده شائع جدا وهى شد الشعر واحنا بنسرحه لسنوات طويلة وشد الضفاير جامد بيسبب تساقط الشعر
تسريح الشعر وهو مبلول اكبر غلط لان الشعر وقتها بيكون فى اضعف حالاته لازم نستنى ينشف شوية وبعد كده نسرحه
الادوية
بعض الادوية بيسبب تساقط الشعر زى اقراص منع الحمل
التخسيس والريجيم القاسى
الريجيم القاسى وسوء التغذية واهملنا فى اننا ناكل وجبات صحية او مفيدة بيأثر طبعا على الشعر من الداخل عشان كده بيسبب التساقط
نقص البروتين يبسبب كمان فى تساقط الشعر
نقص الحديد فى الجسم كمان بيسبب تساقط الشعر
الاكثار من تناول فيتامين أالضغط النفسى
التعرض للضغط النفسى اى كان السبب
الهرمونات وتوقف الطمث
شعرك والحجاب

فى كتير بيبقا عندهم اعتقاد ان الحجاب بيسبب فى سقوط الشعر والبعض لا بيشوف انها بتحمى الشعر من العوامل الخارجية  زى الاتربة والتلوث والشمس لكن بأيدك انتى ممكن تخلى حجابك ضار او نافع
ازاى
 اولا لازم تبعدى عن ارتداء الطرح الكتيرة فوق بعض لانها بتتضغط على الشعر وبالتالى بيسبب ضعفه و سقوطه
عدم ارتداء الحجاب طول اليوم يعنى حاولى تقللى فترة خروج ولازم تقومى بتهوية شعرك من وقت للتانى
غلط جدا اننا نلبس اقمشة او طرح صناعية على الشعر لازم نلبس طرح قطن او بتلبسى طرح صناعية يبقى لازم تلبسى تحتها طرحة او بندانة قطن
لازم تغير تسريحة شعرك تحت الحجاب يعنى ممكن تسرحيه يمين او شمال او ممكن تفرقيه
الاسبانش بتسبب مشكلة كبيرة جدا ومن اهم اسباب سقوط الشعر وظهور فراغات فلازم تخليها فى المناسبات بس
طريقة علاج تساقط الشعر

طبعا لو عندنا اى سبب من الاسباب الى ذكرنها الى بسبب سقوط الشعر لازم نحلها سواء كان مرضى لازم نرجع للدكتور او اى سبب تانى سواء نقص فى الفيتامينات لازم نعمل تحليل دم او التحليل الى بيطلبها منك الدكتور
طبعا لازم نهتم بصحة جسمنا الداخلى لانه اكيد بينعكس على الشعر والبشرة
لازم نشرب مياه 1 لتر يوميا
تناول الخضروات والفاكهة خصوصا الى بتحتوى على الحديد والفيتامينات
مهم جدا ندلك فروة الشعر لمدة 10 دقائق بأصابعنا وبرفق لتنشيط الدورة الدموية 
تهوية الشهر وخصوصا اثناء النوم مانربطش شعرنا بالتوكة واحنا نايمين
لازم نستخدم شامبو طبى موثوق بيه ونبتعد عن الشامبوهات التجارية
لازم نسرح شعرنا برفق من تحت لفوق
لازم يكون المشط خشب
نلبس طرحة قطن او بندانة قطن لو الطرحة قماش صناعى
فى شامبوهات طبية كويسة زى اكرينال مستخلص من عنق الحصان
وفى ادوية او امبولات محفزة لنمو الشعر زى اكرينال او اناستيم كويسين جدا وبينبتو شعر جديد وبيطولو الشعر وهم علاج موضعى  الاتنين ممتازين وفى مستحضرات تانية كويسة فيها مضادات للاكسدة وفيتامينات

امبولات اكرينال

Ecrinal

امبولات اناستيم

Anastim

اهتمى بشعرك تاج جمالك فى الصيف

مهم جدا اننا نهتم بشعرنا ونهتم بيها خصوصا فى فصل الصيف لان الشعر بيجهد جدا فى الصيف ومحتاج مننا جهد شوية عشان نحافظ عليه عشان كده اهتمى بشعرك تاج جمالك فى الصيف وخطوات بسيطة
التعرض للشمس والحرارة العالية وطبعا لو حبيتى تقضى الصيف البحر او حمام السباحة  كل العوامل دى بتخلى الشعر يتلف ويتقصف وجفاف كمان واحيانا تساقط
عشان كده لازم نتجنب العوامل دى بجانب ازاى نعتنى بيه فى فصل الصيف

اولا خطر جدا اننا نعرض شعرنا للشمس فلازم نلبس طقية  يكون شكلها حلو عشان نحمى الشعر من اشعة الشمس لو محجبة مش مشكلة

ثانيا نبتعد كل ما هو ساخن زى الاسشوار او المكواه او البيبي ليس او غسيل الشعر بماء ساخن كل العوامل دى بتسبب جفاف الشعر

ثالثا حاجة مهمة جدا لكن فى كتير بننساها او مش بيهتم بيها وهى شرب المياه لانها بتأثر على الشعر وبتغذى الشعر ويمنعه من الجفاف عشان كده لازم لازم نشرب ميه لتر فى اليوم الواحد فالبتالى بينعكس على الشعر والبشرة كمان

رابعا ممنوع اى كيماويات الصبغة والفرد نبتعد عنهم تماما لانهم بيضر الشعر جدا جدا بيسبب جفاف وتساقط رهيب للشعر وكتير من البنات جربوه وندمو جدا لانهم اشتكو من جفاف الشعر  التساقط الرهيب للشعر فتحذير هام جدا من الحاجتين الى ذكرناهم

خامسا لازم نهتم بأكلنا كويس ونهتم انها تكون بتتكون من عناصر غذائية تفيد الجسم مهم جدا ناكل خضروات والفاكهة والفيتامينات

سادسا لازم نستخدم الشامبو المناسب لطبيعة شعرنا بلاش الشامبوهات 2*1 ياريت نجيب الشامبو لوحده والبلسم لوحده بعد ما نستعمل الشامبو ضرورى نستعمل بلسم لان الشامبو بينشف الشعر شوية فضرورى نستعمل بلسم او ماسك لشعرنا بعد الشامبو عشان نرطب شعرنا شامبو وبلسم اكرينال هايلة جدا ومستخلصة من عنق الحصان يمكن ده احسن نوع للشامبو والبلسم 

الكحل سر جاذبية عينيكى

الكحل  بيدى جمال وجاذبية لشكلك وخصوصا عينيكى لو عرفتى ازاى تستخدميه والرسمة الى تليق ليكى
هانقدم شوية نصائح لاستخدام الكحل وطريقة وضعه والوانه عشان تحصلى جاذبية لعين
الكحل سر جاذبية عينيكى

الوان الكحل

ظهرت الوان كتير للكحل وبيدى جاذبية للعين وكمان فى منها جليتر بيكون مناسب للسهرات
الكحل الاسود
 بيكون شائع بين السيدات لكن ظهر الوان فى الكحل وبيدى جاذبية للعين
الكحل الاخضر
اللون الاخضر بيدى نظرة رومانسية خصوصا لو بشرتك صافية والمكياج هادى بتمشى مع أغلب الوان العيون لو عنيكى لونها بنى اوعسلى بيديها جمال رائع لو عنيكى زرقاء او خضراء بيدى جاذبية
الكحل البنفسجى
اللون البنفسجى بدرجاته البرقوقى او الباذنجانى بيدى جاذبية للعين ومناسب للسهرات جدا وبيعتبر بديل للكحل السود
الكحل الذهبىبيناسب اكتر الى بشرتهم سمراء او برونزية وبيناسب كل الوان العيون خصوصا اللوان الغامقة او البنى او العسلى
الكحل الازرق التركوازى
بيكون لون الفيروزى او درجة من درجات البحر بيناسب كل الوان العيون خصوصا البنى والعسلى بيزيدها جمال اكتر وبيليق اكتر مع البشرة القمحى او البرونزى
طبعا كل الوان الكحل بيعكس لون عنيكى وبيديكى مظهر اصغر سنا عن اللون الى اسود الى كمان بيدى جاذبية وانوثة لعنيكى وشئ من الغموض
نصائح لاستخدام الكحل 
طبعا الكحل ممكن تحطيه فوق عنيكى وطبعان عشان يثبت لازم نكون حاطين اي شادو وبعد كده الكحل وكمان ممكن تتدمجيه مع الاي شادو عشان يثبت اكتر

الكحل الغامق بيضيق العين والفاتح بيوسعها يعنى لو عنيكى ضيقة يفضل تحطى الكحل الفاتح او الوان لو عنيكى واسعة ممكن تحطى الكحل الغامق ومن الالوان
لو كنتى بيضا او شقراء طبعا لازم نبعد عن الكحل الغامق لانه بيدى مظهر قاسى وممكن تستبدليه بكحل بنى او الوان
لازم قلم الكحل يكون مبرى وقبل ما نستخدمه نمرر على الايد عشان ما يجرحش العين لو كان حاد جدا
غلط جدا اننا نبدل اقلام الكحل مع بعض لانه ممكن ينقل امراض او يعمل حساسية للعين
طبعا الكحل ضد الماء بيكون ثابت جدا ولازم لازم يكون عندنا مزيل مكياج العين ضد الماء عشان مايضرش العين
طبعا غلط جدا انك تنامى بالكحل لانه بيؤدى الى صبغ الجلد واسمرار فى اسفل العين وكمان حساسية العين
لو الكحل بيسيح ممكن نسخن الكحل ثانية واحدة وبعد كده نستخدمه عادى
ماتحتفظيش بالكحل لاكتر من سنتين تلاتة
لازم تحتفظى بالكحل بعيد عن الشمس ودرجات الحرارة
لو حبيتى توسعى عنيكى بالكحل ممكن ترسمى خط فوق رموشك العليا وتمدى طرف الخط خارج زاوية العين الخارجية بقليل
لو بتحبى المكياج العربى ممكن تكحلى عنيكى فى الجفن الداخلى وترسمى خط فوق الرموش وتحطى شوية من الماسكر السودا

البلاشر او احمر الخدود انوعه وازاى نستخدمه واللون المناسب ليكى

البلاشر او احمر الخدود بنستخدمه عشان نبرز جمال عضمة الخد مش تلوين بس وكمان لانها بتدى نضارة للوجه بس لازم نعرف الطرق الصحيحة لاستخدام البلاشر عشان نحصل على ميك اب رائع ومتناسق وجميل

البلاشر او احمر الخدود انوعه وازاى نستخدمه واللون المناسب ليكى 
انواع البلاشر وطريقة توزيعها 
فى3 انواع من البلاشر وكل نوع ليه طريقة استخدام
بلاشر بودرة
blush powder 

بنستخدمه بعد الانتهاء من الميك اب بعد البودرة وبنوزعه بفرشة كبيرة عشان يتوزع كويس وبيكون منها الوان كتير الى بتليق على كل الوان البشرة
طريقة استخدامها
زى ما ذكرنا قبل كده ان لازم تكون الفرشة كبيرة ونحطها فى البلاشر ونهزها شوية عشان اللون الزائد من البلاشر وبنوزع بالفرشة من بدايه الخد لحد الاذن وبعد ما ننتهى لو حبيتى تخفى اللون وممكن بمنديل وتحطيها على خدك بحركة طبطبة خفيفة  لو حسيتى انه تقيل او فى زائد او انك تحطى بودرة خفيفة
بلاشر كريمى

blush cream

وده بيتميز انه بيكون ثابت جدا ويعنى ممكن يروح بعد فتر طويلة وكمان الوانه قوية جدا اصحاب البشرة الدهنية يفضل انهم مايستخدموش الكريمى
طريقه استخدامه 
 بنضعه بعد الكريم الاساس ولازم نضع البلاشر الكريمى بحذر لان الوانه قوية وبنضعه بالاسفنجة او بأطراف الاصابع وبعد كده بنحط البودر بالفرشة
بلاشر السائل او الجيل

blush gel

النوع ده بيدى لمعان طبيعى وبحطه بعد كريم الاساس على طول وبيكون شكله طبيعى ومناسب للنهار
طريقة استخدامه
بيوزع باطراف الاصابع
نصائح لاستخدام البلاشر
1. لازم تختارى لون بلاشر ملائم للملابس الى هاتلبسيها وتكون ملائم للميك اب الى حطاه
2.لو بشرتك فيها حبوب لازم نحط البلاشر مش كتير لان كده هايبين الحبوب اكتر وكمان البلاشر مايكونش بيلمع لانه كمان بيبينه اكتر
3.لو وجهك رفيعة لازم تختارى الوان فاتحة او متوسطة ولازم تتدمجى البلاشر كويس عشان مايبينش وجهك انه رفيع
4. ممكن تتضعى بلاشر على الجبهة والانف والذقن لكن بطريقة خفيفة

افضل الماركات

maybelline

mac

borjois

body shop

اعرفى أزاى تختارى القصة المناسبة لشعرك

اهم شئ عشان يكون شعرنا صحى لازم نقصه كل 45 يوم ولو كان شعرك متقصف لازم تقصى شعرك فوق التقصف وبعد كده تقصىيه من الاطراف زى ماقولنا كل 45 يوم

اعرفى أزاى تختارى القصة المناسبة لشعرك
لازم عشان نقص شعرنا نسأل على كوافيرة كويسة مش اى كوافيرة
لازم تتكلمى مع الكوافيرة وتفهميها كويس انتى عايزة ايه وتشوفى صور لقصات شعر عشان تختارى قصة شعر مناسبة ليكى
عشان تختارى قصة شعر مناسبة ليكى لازم تكونى على طبيعتك وماتكونيش اوفر وحاطة ميك اب لان ده هايساعدك انك تختارى القصة المناسبة والى تليق عليكى
لما تختار قصة لشعرك اختريها تكون عمليه بحيث لو حبيتى تلمى شعرك تقدرى تعملى ده واختارى القصة الملائمة لنوع شعرك لو ناعم او مموج
فى البداية لو قصة الشعر ماعجبتكيش ممكن تستنى اسبوع ممكن يغير شكل القصة او يصففلك شعرك فى حال لو القصة ماعجبتكيش
قصة الشعر لازم تكون مناسب لتدويرة وشكل الوجه والطول وحجم الجسم والرقبة مش اى قصة وخلاص
مش شرط انك تتبعى الموضة لان ممكن يكون مش يناسبك فختارى الى يناسب طبيعة وشخصيتك انتى
لو الجبهة عندك عريضة ممكن تعملى القصة على الجبهة او كل جزء منها يغطى على جنب ويغطى الجبهة
لو وجهك مسحوب ومن الحدود ورفيع يناسبك القصة المدرجة للخارج عشان تدى عرض للوجه او كاريه
لو وجهك صغير يفضل القصات الصغيرة الى بتبين الوجه وبتظهره
لو وجهك ممتلئ هايناسبك اكتر القصة المدرجة على الوجه ويفضل لييس عشان يقلل من عرض الوجه
لو الانف طويلة ماتعمليش قصة على الاقورة لان كده بيبرزها اكتر

 اختيار قصة الشعر حسب شكل الوجه
لو وجهك طويل شوية هايناسبه الكاريه مدرج او القصة تغطى جزء من الجبين وبلاش شعرك يكون مفرود بطول وجه لانه كده بيبين ان وجهك طويل

لو وجهك مربع لازم طول الشعر يغطى منطقة الفك يعنى ممكن كاريه بحيث من امام طويل ومن الخلف اقصر شوية

لو وجهك مدور طبعا هايليق الشعر الى بيكون فى طول واحد او مدرج بسيط عشان يغطى طول الوجه

عيوب ومميزات الشعر القصير والطويل
عيوب الشعر القصير انك هاتحتاجى تظبطى القصة كل 6 أسابيع
مميزات الشعر القصير سهل انك تسرحيه وفى اقل وقت وبيكون شكله اتقل وبيبين الوجه وبيخلى شكلك اصغر
عيوب الشعر الطويل انه هيحتاج عناية اكتر من الشعر القصير وبياخد وقت فى غسيله وتصفيفه والاطراف المقصفة بتبان اكتر
ميزات الشعر الطويل سهل انك تلميه وسهل انك تعملى تسريحات كتيره ومختلفه ومعظم الرجالة بيفضلو الشعر الطويل
نصائح بخصوص انواع الشعر
لو شعرك خفيف جدا ابعدى عن المدرج والكاريه لانه بيبينه خفيف اكتر
لو شعرك اكرت اطلبى من الكوافير انه يقصه وهو مبلول لان بعد التصفيف من يكون فى اخطاء كتير
الاطراف المقصفة لازم نقصه لانه بيخلى مظهرالشعر مش حلو
لازم نراعى حجم جسمنا لو انتى قصيرة لازم تختارى قصات قصيرة او متوسطة الطول
لو انتى طويلة وضخمة يفضل ان يكون الشعر طويلقصة شعر جديدة بينعكس عليكى من مظهر ولنفسيتك والعكس صحيح عشان لازم نهتم بمظهر شعرنا