أزياء ملس للحجاب ربيع وصيف 2013

تقدم المذيعة سارة اسامة فى ازياء المحجبات اخر موضة لربيع وصيف 2013 حيث بتتميز بخط شرقى وعصرى فى نفس الوقت ده غير تصميماتها بتجمع ما بين الكاجوال والكلاسيك من فستان لجيب مفتوحة ببنطلون بالاضافة للاكسسورات زى الاحزمة والاقمشة كمان متنوعة زى الستان والشيفون والاقطان بالانسبة للالوان اتنوعت مابين الالوان الفسفورك والالوان الهادية

أزياء ملس للحجاب ربيع وصيف 2013

اعملى باديكير لنفسك وانتى فى البيت

النهاردة هانتعلم ازاى نعمل باديكير لنفسنا فى البيت وبالتالى هانوفر وقت بدل ما نروح صالون تجميل وتوفرى كمان فلوس وتشوفى النتيجة المطلوبة بخطوات سهلة وبسيطة

اعملى باديكير لنفسك وانتى فى البيت 

1.هاتقصى الظوافر كويس وخصوصا الظوافر الغارزة قبل ما تحطيها فى المية

2.هانجهز مية دافية وبدل الصابون ممكن تحطى معلقة بكينج صودا فى المية عشان تقوى الاظافر ومعلقة ملح ولو كنتى بتعانى من ريحة كاريهة فى الرجلين ممكن تحطى نعناع او اى عشب عطرى

3. ابردى الظوافر عشان ماتكونش متقصفة وتسبب مشاكل 

4.عشان ننظف الاظافر من تحت الظفر لازم يكون بادوات من الخشب عشان ماتجرحيش الاظافر 

5.ازيلى الجلد الميت حول الاظافر سواء بالقصافة او كريم مزيل للحواف ويكون بطريقة خفيفة 

6.بعد كده هانحط الرجلين فى المية الدافية 10 دقايق وبعد كده  هاندلك بحجر او مبرد المخصوص للقدم عشان نزيل الجلد الميت وندهن القدمين بالكريم المرطب 

7.ممكن نحط المانكير عادى ونتركه ليجف 

8.ممكن قبل النوم تتدهنى القدمين بكريم مرطب وتلبسى كيس نايلون وفوقه شراب هاتحصلى على نعومة رهيبة 

ممكن نكرر العملية دى من مرة لمرتين فى الاسبوع عشان تحصلى على قدمين ناعمين 

ازياء مليكة للمحجبات ستايل متميز فى الازياء صيف 2013

مصممة الازياء رضوى جلال بتقدم كولكش مليكة لصيف 2013 فى ازياء المحجبات الى اتنوعت ما بين الكاجوال والسواريه والكلاسيك ما بين الفساتين والجواكت القصيرة والبلوزات باقمشة مختلفة زى الشيفون والساتان والدانتيل وبالوان مختلفة زى الاصفر والازرق والابيض والبرتقالى والدهبى والى بيكملها بعض الاكسسورات زى الحزام الرفيع اوعريض على الوسط

ازياء مليكة للمحجبات ستايل متميز فى الازياء صيف 2013

لو انتى محجبة اعرفى تهتمى بشعرك ازاى

مهم جدا نهتم بشعرنا وبالذات لو كنا محجبات لانه ممكن يضر الشعر لو مش بتعرفى تتعاملى مع شعرك بطريقة سليمة فلازم تراعى انك بتلبسى الحجاب ولفترة طويلة عشان كده الشعر بيكون محتاج عناية اكتر ومش معنى انك محجبة انك ماتهتميش بشعرك بالعكس لازم نهتم جدا بالشعر وده الى هانعرفه فى خطوات سهلة جدا

لو انتى محجبة اعرفى تهتمى بشعرك ازاى

1.التهوية مهمة جدا بالنسبة للشعر لان الشعر محتاج انه يتنفس وبالتالى ممكن يتساقط

2.لازم تثبتى الطرحة على شعرك كويس عشان ما يتحركش للامام او الخلفلانه بيسبب فى تقصف الشعر الى ادام لانها اضعف شعر

3.سبب الشعر المنحول اننا بنشد الشعر للخلف سواء لو لابسة الطرحة او بدونها ولازم نغير فرق الشعر يوميا 

4.ديما اختارى الاقمشة الى بتمتص العرق وفى نفس الوقت مايكتمش الفروة زى النايلون مثلا

5.اكبر غلط كتير من البنات بتعمله للاسف ان الشعر بيكون مبلول لو اخدنا الشاور ده اكبر غلط لانه بيخلى الشعر يتساقط ويضعفه لازم ننشف الشعر كويس

5.لازم نهتم بنضافة الطرحة عشان مايتسببش فى القشرة

6.عند لم الشعر ما ينفعش نشد الشعر ونستخدم استك مبطن او توكة خفيفة 

7.غلط جدا انك تحطى كريمات او زيوت تقيلة على شعرك لان ممكن يؤدى لنتيجة عكسية ويسبب فى تساقط الشعر

8.لازم نهتم بقص الشعر كل 45 واستخدام انواع سليمة من الكريمات والمنتجات الى تناسب طبيعة شعرنا 

9. مع كل الخطوات السابقة لازم مننساش نهتم بغذاءنا يعنى لازم ناكل خضروات وفاكهة ونهتم بصحة جسمنا وشعرنا داخليا 

لوسيون للجسم سهل جدا ومش مكلف والنتيجة روعة

النهاردة هانتكلم عن لوسيون جميل اوى ومفيد للجسم كتير بنجرب كريمات كتيرة ممكن يكون مش بيجيب النتيجة المطلوبة اوبيكون مكلف لكن اللسيون ده هايكون سهل ومش مكلف خالص وامن لانه طبيعى وفى نفس الوقت النتيجة بتاعته جميله جدا بس اهم حاجة الاستمرار اكيد عشان نوصل للنتيجة المطلوبة

لوسيون للجسم سهل جدا ومش مكلف والنتيجة روعة

اللسيون ده للجسم بس ماينفعش نستخدمه للوجه

مكونات اللسيون

جلسرين (متوفرة فى الصيدليات)

ماء ورد(متوفر فى العطارة)

ازازة مسك ابيض (متوفر فى العطارة)

عصير ليمون والى جسمهم حساس من الليمون يبعد عنه ونكتفى بالمكونات السابقة

طريقة اللسيون 

نخلط كل المكونات السابقة بمقادير متساوية  فى ازازة تكون نضيفة وفاضية ونرجها كويس جدا وبعد كل شاور تاخديه ترشى من اللسيون ده على جسمك

واكيد مع الاستمرار

 هتلاقى نعومة جميلة جدا 

ريحة بتفوح من جسمك جميلة

ومع الاستمرار بيزيل اى بقع او اسمرار

عطرى شعرك بطريقة سهلة وبسيطة بأجمل الروائح

 كل البنات بتحب اكيد ان يكون شعرها جميل وناعم وطويل واكيد يكون رحته جميلة لكن اغلب البنات بتلجأ للعطور الفرنسية عشان يعطرو شعورهم لكن الطريقة دى غلط تماما لان تركيبها بيكون كيميائى ممكن بيخلى شعرنا باهت ويفقد لامعته ولونه وممكن بالتدريج بيتحول للون الابيض من غير ما نشعر 

طب يا ترى ايه الحل اكيد مش اهتم بمظهر شعرى بس وريحته لا 

عطرى شعرك بطريقة سهلة وبسيطة بأجمل الروائح 

اكيد فى حل وهى العطور الطبيعية العربية او الشرقية زى العود والعنبر والمسك الابيض وغيرها من العطور الطبيعية الى مش ممكن تأذى شعرنا 

ايه هى مميزات العطور الطبيعية

اولا بتكون دهنية لحد كبير وبتساهم فى ترطيب الشعر

ثانيا بتدى للشعر بريق ولمعة جميلة 

ثالثا بيطرى الشعر على عكس مجففات الشعر الى بتعمله زى الاسشوار 

رابعا بتقلل الهيشان والشعر المتطاير بسبب الشحنات الكهربائية 

خامسا العطور الطبيعية امنه جداا على شعورنا وتفيده بطريقة طبيعية كمان

طريقة تعطير الشعر

1.هتختارى نوع انتى بترتاحى عليه من العطور او بتحبيها

2.تغسلى شعرك كويس بالشامبو الى مناسب لنوع شعرك

3.تسرحى شعرك وتاخدى شوية من العطر الى اختارتيه فى راحة ايديك وتحطيها على شعرك وابعدى تماما عن الجذور 

بالطريقة دى هتلاقى ريحة شعرك جميلة وفى نفس الوقت قوية وبتفضل لفترة طويلة فى شعرك وبتفوح من شعرك كأنه مبخر

عبايات شيك وستايل من مصممة الازياء حصة العبيدلى 2014/2013

المصممة الاماراتية حصة العبيدلى نجحت فى ان يكون ليها خط مميز فى العبايات الى خرجت عن التقليدى باشكال وتصاميم مختلفة والى مزجت وابدعت ما بين العبايات والفستاين السواريه بحيث يكون شكله مميز جدا عشان كده هانشوف شوية من كولكشن مصممة الازياء حصة عبيدلى الى تنوعت عبايتها بين الزهرى والبيج الفاتح والرمادى وبعدت عن الالوان الصارخة والصريحة زى الاصفر او الاحمر وتنوعت فى القصات  بحيث كانت بسيطة بأقمشة مختلفة زى التل والشيفون والدانتيل

عبايات شيك وستايل من مصممة الازياء حصة العبيدلى 2014/2013