الهالات السوداء حول العين مشكلة تتطفى جمالك اعرفى أسبابها وطريقة علاجها

الهالات السوداء مشكلة بضايق كتير من الناس وبيكون أسبابها وراثى او اهمال وبتكون اسبابها داخلية يعنى مش بنهتم بأكلنا وبصحتناالهالات السوداء حول العين مشكلة تتطفى جمالك  اعرفى أسبابها وطريقة علاجها

أسباب الهالات السوداء
سوء التغذية وقلة أكل الخضروات والفواكه وعدم الاهتمام بالاكل الصحى
اضطرابا فى النوم او النوم المتقطع والسهر وعدم الكفاية فى النوم
نقص الفايتامينات فى الجسم والانيميا فلازم نعمل تحليل دم عشان نعرف ايه الى ناقص من فيتامينات ونعوضها
التوتر العصبى والنفسى
التدخين يمنع وصول الاوكسجين للبشرة وخصوصا حول العين
التلوث من الاتربة والادخنة والتعرض للشمس بدون استخدام الكريمات المخصصة او نظارة شمسية
عدم الشرب ما يكفى من الماء والسوائل التى يحتاجها الجسم
الاكثار من تناول الشاى والقهوة لانه بيحتوى على الكافيين ويمكن تناول اعشاب بدل منا
مشاكل عضوية كالكبد والكلى
اما الاسباب الوراثية لازم نرجع لطبيب متخصص لعلاجها

ازاى نعالج الهالات السوداء ونتخلص منها
عمل كمدات شاى باردة لمدة 5 دقائق
شرب المياة 1 لتر يوميا
ندهن الهالات بزيت اللوز وربع معلقة من عصير النعناع لو توفر
عمل كمدات شرائح البطاطس لمدة 10 دقائق
تنظيف العين قبل النوم
عمل كمدات شرائح الخيار لمدة 10 دقائق مع الاسترخاء التام
استخدام كريمات وقاية مخصصة للعين لتحفيز الدورة الدموية
عمل تمارين لعضلات العين لتحفيز الدورة الدموية
عدم المكوث امام الكمبيوتر والتلفزيون لساعات طويلة
الامتناع عن التدخين وشرب الشاى والقهوة بكثرة والاعتماد على الاعشاب اكثر
تناول الخضروات والفواكه بكثرة
وطبعا تجنب اسباب ظهور الهالات السوداء والوقاية منها وبأذن الله هاتتخلصى من مشكلة الهالات

الكونسيلر انواعه والوانه وفايدته وازاى نستعمله

الكونسيلر مهم جدا مع الفاونديشن والبودر لان الكونسيلر كمان من كماليات الميك اب لكن غير ضرورية لو مش بتعانى من مشاكل فى البشرة وكمان تصحيح الوجه زى تصغير الانف او الجبهة او الذقن 

الكونسيلر بيغطى اى عيوب فى البشرة سواء كانت بقع او هالات ودى وظيفتها الاساسية وده الى ما يقدرش يعمله الفاونديشن
الكونسيلر انواعه والوانه وفايدته وازاى نستعمله 
انواع الكونسيلر 
كل نوع على حسب عيوب بشرتك
الكونسيلر كريمى
concealer cream
وبيكون فى غالب الباليت وبيناسب جميع البشرة وبيستخدم فى تصحيح اللون زى ما ذكرنا الالوان الغامقة فى الاماكن الى محتاجين نصغرها والالوان فاتحة فى الاماكن الى عايزين نكبرها

الليكويد كونسيلر او السائل

Liquid concealer
يستخدم لانواع البشرة وخصوصا لو البشرة الحساسة او مشاكل البشرة بسيطة وبيكون على شكل فرشة زى الجلوس او قلم وبتكون تغطيته خفيفة وبسيطة وفى ماركات بتكون فيها فيتامينات
وبعضها بيحتوى على كولاجين وده مناسب للبشرة الناضجة ل 35 سنة لفوق لانه بيخفى على التجاعيد

الستيك كونسيلر
concealer stick
 مناسب جدا للبشرة الدهنية او الى بتعانى من مشكل بقع او هالات جامدة لان تغطيته عالية جدا وثابت جدا ومش مرغوب للى بشرتهم جافة لانه بيساعد على ظهور التجاعيد

الستيك ليب كونسيلر
concealer lipstick
يستخدم تغطية للشفاه خصوصا لو بلون غامق او شديد الاحمرار وممكن نستغنى عنها بروج لونه عاجى

الكونسيلر القلم

concealer pencil

ده بيستخدم لتصغير او تكبير الشفاه وبيكون فيه لونين من الجهتين غامق وفاتح

الوان الكونسيلر

الوان الكونسيلر كتير زى الوان الفاونديشن لكن فى الوان معينة بتخفى العيوب البشرة سواء ان كانت هالات اوبقع او احمرار كمان
البنفسجى الزاهى  او الموف الى بيستخدم لاخفاء عيوب البشرة المايلة للاصفرار زى شحوب الوجه مثلا او البقع الغامقة او الهالات الجامدة  او الخدوش والكدمات
الاخضر بيستعمل لتخفيف الاحمرار من الوجه زى الحبوب مثلا وزى حروق الشمس
الاصفر يستعمل لاخفاء الهالات

  طريقة وضع الكونسيلر
فى اكتر من طريقة ممكن نحط بيها الكونسيلر ممكن بالاصبع بحركة الطبطبة اسفل العين ويكون برفق عشان البشرة ماتتشربش الكونسيلر وتعمل تغطية كويسة
لو كانت العيوب لونها غامق او احمر لازم نختار الون المناسب عشان تعمل على تغطيتها بطريقة سليمة

اذا كانت الهالات عندك لونها عادى بعد كريم الاساس ناخد لون الكونسيلر افتح من كريم الاساس الى اخترناه
لو كانت الهالات عندك باينة جدا بعد كريم الاساس ناخد لون الكونسيلر اغمق من كريم الاساس الى اخترناه
لو عندك انتفاخات تحت العين لا تضعى كونسيلر فاتح لانه هايظهر الانتفاخات اكتر لازم يكون بلون بشرتك
مهم جدا تهتمى بماركات كويسة لانه منطقة العين منطقة حساسة جدا

      افضل ماركات الكونسيلر
make up forever
chanel
Lancome

mac    

maybelline

العناية باليد عنوان جمالك

الاهتمام باليد دليل على اهتمامك بنفسك ماينفعش نتجاهلها لانه بيدل على جمال المراة عشان كده لازم نهتم بمظهرها ونعومتها وبنظافتها لانها اكتر حاجة معرضة للتلوث
 عشان كده العناية باليد عنوان جمالك

لو اهملنها بتحصل مشاكل كتير منها الجفاف وده ليه اسباب وكمان تغير لون الجلد وبردو ليه اسبابه
لو عندنا لازم لو نعرف ايه المشكلة الى عندنا ونبتدى نهتم بعلاجها
تغيير لون المفاصل او العقل بتكون نتيجة لخبطة او اضطراب فى الدورة الدموية عشان كده ممكن نعمل تمارين بسيطة نحرك صوابعنا كل يون عشان ندفيها وننشط لادورة الدموية  وومكن يكون اسبابها نفص بعض الفيتامينات فى الغذاء لازم نهتم باكلنا كويس
الجفاف وتغير لون الجلد  طبعا اسبابها عدم ترطيب الجلد واهمالها وخصوصا فى فصل الشتا والاعتناء باليد مهم جدا زى بشرتنا او شعرنا لازم نهتم بيه كمان حلها بيكون اننا ندلك اليد كل يوم بزيت زيتون دافى  وبنلبس جوانتى قطن وده كل يوم بليل
مهم جدا اننا نهتم بأيدينا وخصوصا واحنا خارجين لان الشمس بتسبب جفاف وتغير لون الجلد ونمش وتجاعيد  فلازم نرطب ايدينا ونحط واقى شمس او صن بلوك

sun block

وخصوصا من 

 BIODERMA

كويس جدا وموجود فى الصيدليات الكبيرة

ترطيب اليد هام جدا لان عدم الترطيب بتسبب جفاف وتقشر الجلد ولون الجلد بيتغير وبيغمق عشان كده مهم جدا يكون عندك كريم مرطب كويس او كريم بترتاحى عليه
مهم جدا عمل سنفرة مرة كل اسبوع لازاله الجلد الميت وتفتيح لونها  ودى طريقتها سهلة خالص ومش مكلفة وامنة ونتيجتها كويسة جدا  بنستعمل
زيت زيتون

نصف ليمون

سكر

بنمسح اليد بزيت الزيتون وبنضح السكر ونفرك فأيدينا برفق على ظهر ايدينا طبعا كده احنا بنعمل صنفرة للجلد
ونغسل ايدينا بالمية وبعد كده نعصر النص ليمونة على ايدينا ونمسحه فى ايدينا ونسيبه 5 دقايق ونغسله بالمية وبنضع كريم مرطب

فى كريمات مرطبات كتير حاولى تجيبى حاجة كويسة وماتكونش رخيصة اووى لان فى منها سئ

وفى كريمات مرطبة كويسة زى

BODY SHOP

Dove

NIVEA

   بالطريقة دى عرفنا ازاى نهتم باليد وبالروتين اليومى لحصول نعومة ولون جميل لليدين

الايشادو انواعها وطريقة استعملها للحصول على مكياج متناسق

استخدام مكياج العيون مش بس لمجرد التجميل وخلاص لكن لازم تختارى الالوان الى تناسبك والرسمة الى تناسبك المهم جدا نعرف ازاى نحط الشادو صح مش مش مجرد ان الميك اب تقيل او خفيف

عشان كده لازم نعرف عن الايشادو انواعها  وطريقة استعملها للحصول على مكياج متناسق
مهم جدا ان الوان الايشادوeyeshadow  مناسب مع الوان الملابس الى هانلبسها والمكان هانروحه
الالوان الغامقة فى الايشادو بتصغر العين والالوان الفاتحة بتوسع العين
الالوان ملمعة بتكبر العين والالوان المطفية بتصغر العين
طب ازاى اختار لون ايشادو يناسبنى
كل الالوان بتليق على كل الوان البشرة لكن المهم اننا نختار الدرجة الى تليق علينا ونحطها بالطريقة الصحيحة الى تناسب رسمة العين

اهم حاجة تكون درجات الوان الايشادو متناسقة مع بعض سواء اختارنا لونين او تلاتة من الوان الايشادو
مهم جدا اختيار الوان مناسبة حسب المكان  والزمان يعنى الصبح يفضل اننا نحط الوان فاتحة وتكون مناسبة لينا ممكن بعد الظهر نتقل شوية وندخل درجتين وطبعا لة فى سهرة ومناسبة عندك ممكن تختارى ايشادو اكتر من درجة او ايشادو فى لمعة
طبعا يفضل اننا نحط ايشادو بالفرشة احسن من الاسفنجة لان الفرشة بيكون اسهل فى التوزيع ونقدر نتحكم فيه

انواع الايشادو
البودر

eyeshadow powder

فى منها بيدى لمعة وفى منها المطفى لكن مهم جدا اننا نحطه بحذر لانه ممكن يقع تحت العين

الكريمى
eyeshadow cream

الكريمى مهم جدا اننا نثبته بالبودر او ايشادو بودر

طريقة وضع الايشادو
قبل ما نحط الايشادو بنحط شوية باللوس باودر تحت العين عشان لو وقع شوية من الايشادو نقدر نمسحها بالعين
واحنا بنحط الايشادو لازم ندمج اللوان مع بعض بحيث مايعملش خطوط لازم تكون الالوان متداخلة مع بعض

بعد ما بنحط الشادو لازم ننور تحت الحاجب بلون فاتح
بالنسبة للعيون الصغيرة لازم نحط ايشادو فاتح داخل زاوية العين على عكس العيون الواسعة بنحط الوان غامقة
بطريقة بسيطة وبخطوات معينة تحصلى على مكياج عيون مناسب ومتناسق 

ازاى تقضى على السلوليت وتحصلى على جسم مشدود

السلوليت هى تركز الدهون فى مناطق معينة فى الجسم وبيكون تعرجات فى الجلد بيكون شكلها مش لطيف خالص
وبيكون اسبابها عدم شرب مياه وعدم ممارسة الرياضة
فى بعض الناس بتعانى من السلوليت ونفسها يكون جسمها مشدود ولان هى مشكلة كبيرة  معظم الى بيعانو منها الى عندهم وزن زايد لكن مش عامل رئيسى لظهور السلوليت

  لكن لو علاجنا السلوليت صح هانتخلص منها نهائيا بأذن الله
فى طرق علاج كتيرة بعضها مفيدة وبعضها لا وبتكون مكلفة فى بعض الاحيان زى الحقن وممكن بتترك اثار كمان
طب ازاى تقضى على السلوليت وتحصلى على جسم مشدود كمان
اولا التدليك وتنشيط الدورة لادموية
التدليك بطريقة دائرية زى عقارب الساعة لحد ما يحمر الجلد كده نعرف ان الدورة الدموية فى المكان ده بدء ينشط وده بيكون بليفة خشنة وكمان الطريقة دى بيكون ليه مفعول سحرى لعلاج الدوالى 
التدليك بيساعد على تكسير وتفتيت الدهون المتركزة ولازم يكون بحركة دائرية
ثانيا التدليك بالزيوت  
ممكن كمان نستعمل الزيوت فى التدليك زى زيت الزيتون والجنزبيل وهو مفيد جدا
وده بيكون بعد الشاور والتدليك بالليفة الخشنة بنجيب الزيوت بأطراف الاصابع وندلك بحركة دائرية صغيرة زى عقارب الساعة ونضغط بأطراف الاصابع وده اسمه الصدمة لان بنغذى الاماكن بالزيوت 
كمان الطريقة دى بتعمل على تفتيح لون الجلد لان بتنشط الدورة الدموية لانه بيحفز الجلد انه يرجع للونه الطبيعى

ثالثا المياهشرب المياه بكميات كبيرة وده بيساعد على التخلص من سموم الجسم

رابعا الرياضة
الرياضة مهم جدا وخصوصا المشى لانه بيحفز الدورة الدموية والحصول على جسم مشدود
الاستمرار حاجة للحصول على النتيجة المطلوبة والنتيجة هاتبان بعد شهر وهاتقضى على السلوليت تماما

 

بودرة الوجه انواعها وفائدتها

لا يمكن اكتمال الميك اب بدون البودر الى بيساعد على تثبيت الميك اب

البودرة انواع وكل نوع ليه طريقة ووظيفة معينة فى اكمال الميك اب
انواع بودرة الوجه
1.اللوس بودر

 loose powder

منها انواع الشفافة والعادية او الملونة وليه درجات زى الفاونديشن ولازم تكون نفس درجة الفاونديشن وفى بعضها بيبقا فيها لمعة وده بيناسب سهرة او فرح البودرة دى بتناسب جميع انواع البشرة واهم وظايفها بتثبت المكياج وبتتحط بفرشة كبيرة مخصوص للبودر

2. البودرة المضغوطة او الكومباكت

compact powder
البودرة دى هى الى بنصلح بيها الميك اب بس او بنعدل بيها يعنى المفروض تبقى فى الشنطة معاكى لو رايحة اى مكان بتظبطى بيها مكياج وهو مناسب اكتر للبشرة الدهنية لانها بتمتص الدهون من البشرة بعد الميك اب

3.بودرة الاضاءة

highlight powder
بتستعمل فى اضاءة الوجه خصوصا تحت العين او الاماكن الى عايزة تكون فيها اشراقة ومنها الوان وفى برونزاج

طب ايه فايدة البودرة
البودرة من اساسيات الميك اب يعنى مهمة جدا لانها بتثبت الميك وبتخلى البشرة شكلها جميل وصافى كمان بتخفى عيوب البشرة وكمان بتثبت لون الروج والشادو

طب ازاى نستعمل البودر سواء اللوس بودر او الكومباكت و البودرة المضيئة

بالنسبة للوس بودر
بعد ماحطينا الفاونديشن ووزعناه كويس بنجيب الفرشة بنحط الفرشة فى البودرة ونفضها شوية عشان نتخلص من الزيادة وبنوزع البودرة على الوجه بحركة دائرية من اعلى للاسفل ولازم تكون الفرشة كبيرة وكثيفة وناعمة

بالنسبة للبودرة المضغوطة
ودى بتكون استعملها بالاسفنجة ولازم تكون ناعمة بنمسح بالاسفنجة على البودرة وبنمسح فى الاماكن الى محتاجين نعدل فيها البودر
بالنسبة للبودرة المضيئة ممكن بالفرشة او بالاصبع فى الاماكن الى عايزة تكون فيها اشراقة

كده عرفنا بودرة الوجه انواعها وفائدتها للحصول على مكياج رائع 

ولو عايزة تعرفى انواع كريم الاساس وتختارى الى يناسبك

اضغطى هنا 

    

نصائح دكتور أوز للتخلص من دهون البطن....Dr.Oz

من اهم وسائل نجاح اى ريجيم او حمية غذائية من وجهة دكتورأوز هى قوة  ارادة الانسان وتوصل دكتور أوز لاسرار الخمسة للتخلص من دهون البطن

1. لازم نكتر من الالياف والبقوليات والحبوب والمكسرات والتوت وبعض الفواكه زى التفاح والموز والخوخ والتين والكمثرى والزبيب والمشمش خصوصا وفى وقت الفطار والخضروات الى اوراقها خضراء زى الخس والسبانخ وغيرها لان الامعاء بتاخد وقت كبير فى امتصاص زى الاكلات دى بيعطينا  الاحساس بالشبع لمدة طويلة

2. اكتر الاخطاء الى بتقع فيها ناس كتيرة تناول الاكل اثناء مشاهدة التلفزيون او استخدام الانترات لان بيخلى الانسان ياكل كميات كبيرة من غير ما يشعر وبالتالى هاياخد سعرات حرارية كتيرة

3.خداع الجسم وجعله الشعور باحساس الشبع عن طريق تناول المكسرات قبل الوجبة الاساسية بنص ساعة لان بيرفع هرمون الشبع المسئول عن احساس بالشبع وبالتالى لما الانسان هايتناول الوجبة الاساسية هاتكون بكمية اقل
4.طبعا عادة سيئة جدا تناول المشروبات الغازية مع الاكل لكن احنا ممكن نبدلها بماء لان المشروبات الغازية بتحتوى على مادة الفركتوز الى بيعمل على ذبذبة فى هرمون الشبع يعنى المشروبات الغازية بتأخر الاحساس بالشبع

5.مهم جدا الرياضة الى هاتساعدنا على التخلص من الدهون وتقوية العضلات والمشى وممكن ممارسة 10000 خطوة لان العضلات بتحرق كمية كبيرة جدا من الدهون اكتر من الانسان العادى بيحرقه يوميا وطبعا بتساعد على تقوية الهيكل العظمى

نصائح دكتور أوز للتخلص من دهون البطن خطوات سهلة وبسيطة والهدف منها التخلص من الدهون والحفاظ على طاقة وحيوية الجسم

  

نصائح د. أوز لخسارة الوزن دون الاحساس بالجوع وبدون حرمان..Dr.Oz

دكتور أوز (Dr.Oz) بيقدملنا بعض النصائح لخسارة الوزن وفى نفس الوقت عدم الاحساس بالجوع وبدون حرمان

ومن خلال ابحاث دكتو اوز توصل ان ممكن الانسان يعمل ريجيم على الاكل المفضل ليه وكمان بدون حرمان الى بتفرضه على اكلات معينة
دكتور اوز بيقول ان فى هرمونين مسئولين عن الشبع والجوع
الجوع
الشبع
طب ازاى بيشتغل الهرمونين دول
اولا هرمون الجوع مسئول عن احساس بالجوع لما بتكون المعدة فاضية وبيحصل كل نص ساعة ولما الواحد بيتجاهل الهرمون ده بيزيد اكتر فبيشعر بالجوع اكتر لدرجة ممكن انه يوصل لمرحلة ياكل اى حاجة عشان يقضى على الاحساس ده
عشان كده الى بيعمل ريجيم قاسى او معين بيفشل فى انزال الوزن
طب ايه نصايح دكتور أوز عشان نقلل من الاحساس بالجوع ده

اول نصيحة
قبل نص ساعة من تناول الوجبة الاساسية يا اما تاكلى كمية بسيطة من المكسرات يعنى 4 او 5 وحدات
او
تاكلى فاكهة صغير يعنى ممكن تفاح اوى اى فاكهة تانية
او
الالياف
طب ليه بنعمل كده لان هرمون الجوع بشتغل كل نص ساعة
تانى نصيحة
ناكل الاكل بطريقة بطيئة لان الطريقة دى بيدى فرصة لهرمون الجوع انه يتراجع وبينخفض مستواه وبالتالى هاناكل كمية اقل
 ثانيا هرمون الشبع مسئول عن احساس بالشبع وهو بروتين موجود بالجسم وكمان بيساعد على حرق السعرات الحرارية يعنى لو قدرنا نرفع مستوى الهرمون ده هانقدر نتحكم فى شهيتنا
النصيحة التالتة
عشان نرفع مستوى هرمون الشبع نبتعد عن الاطعمة المصنعة لان فيه شراب فرتكوز الى بيخلى الشهية مفتوحة زى المشروبات الغازية وزى الاطعمة خالية الدسم طب هانعرف منين ان الاطعمة دى بتحتوى على المادة دى هنلاقى مكتوب عليها
hfcs
النصيحة الرابعة والاخيرة
الدهون الغير مشبعة هى الدهون الصحية وكمان مفيد جدا لصحة القلب وبتكون موجودة فى
المكسرات
زيت الزيتون
الاسماك زى التونا والسردين
الاوفوكادو
البذور المستخلصة من دوار الشمس الذرة والسمسم والكانولا ومفيدة جدا للشراين الدموية وللقلب
وانواع الخضروات
كلها كمان بترفع هرمون الشبع

وفى كمان اكلات الى فيها دهون غير مشبعة زى اللحوم الالبان والبيض وكمان بتسساعد على ارتفاع هرمون الشبع
يعنى الريجيم مش حرمان مش منع من الاكلات لكن هو نظام او سلوك فى حياتنا لو نفذنا هانقدر نحصل على جسم رشيق
وطبعا مهم جدا الرياضة كل العوامل دى اكيد هانوصل لخسارة الوزن دون حرمان من نصائح دكتور. أوز دون الاحساس بالجوع وبدون حرمان الى غيرت مفاهيم كتير فى الحمية الغذائية   

ازاى تختارى كريم اساس مناسب للون ونوع البشرة وانواعها

فى كتيير من البنات مش بتعرف تختار الفاونديشن المناسب لبشرتها ياما نوع مش مناسب للبشرة او اختيار لون غلط طب ازاى تختارى كريم اساس مناسب للون ونوع البشرة وانواعها
مهم جدا نحدد لون بشرتنا ايه ونعرف اذا كانت شاحبة او متوسطة او سمراء يعنى نحدد اللون المقارب للون الجلد الطبيعى بحيث ما يكونش اللون فاتح اوى فيعطينا منظر مش لطيف او غامق يتناقض مع لون الرقبة عشان كده مهم جدا وانتى بتشترى الفاونديشن وبتختارى  اللون تعملى تيست وتاخدى نقطة وتحطى فى منطقة الجبهة او الدقن وتشوفى هل اقرب للونك او مطابق ليه ولا لا وممكن تختارى درجة او درجتين افتح بالكتير ومهم جدا وانتى بتعملى التيست ده ان يكون الضوء الطبيعى  كمان جربى ثلاث درجات واختارى اقربهم لبشرتك   
اصحاب البشرة الفاتحة او الزهرية ينصح انهم يستخدمو الفاونديشن الى داخل فى تركيبته اللون الزهرى
اصحاب البشرة الحنطية او الخمرية ينصح بأستعمال فاونديشن الاصفراصحاب البشرة السمراء او الداكنة ينصح انهم يستعملوالفاونديشن الى داخل فى تركيبته اللون البرتقالى
طيب بالنسبة لونوع الفاونديش طبعا احنا عارفين ان فى انواع للبشرة
بشرة جافةبيفضل استخدام فاونديشن يكون اساسه زيتى
oil based

بشرة مختلطة  البشرة دى بتجمع بين الجافة والدهنية عشان كدا لازم نختار كريم اساس الى بتلائم انواع البشرة والفاونديشن المناسب ليها الكريم الى بيتحول للبودر

بشرة دهنيةلازم نختار فاونديشن خالى من الزيوت وبيبقا مكتوب عليها
Oil Free
شركات التجميل انتجت كريمات اساس حسب نوع بشرتك وكمان فى بعض الفونديشن الى فيها عامل حماية من الشمس لا تقل عن 15% وبعضها مقاوم التجاعيد وفى منها مرطب فى نفس الوقت
انواع كريمات الاساس
1.الليكويد فاونديشن
liquid foundation

سهل الاستخدام والاستعمال وبيتوزع بسهولة وممكن نمزج اكتر من لون وبينور الوش مناسب جداا لاصحاب البشرة الجافة وتغطيته من متوسطة لخفيفة
2.ستيك فاونديشن
stick foundation

النوع ده تقييل جدا وتغطيته عالية وعالبا بيستخدم للسهرات او الاعراس بتخفى العيوب والبقع بصورة كبيرة مناسب جدا للبشرة الدهنية والمختلطة 
3.كريم فاونديشن
cream foundation

بيكون تقييل وتغطيته متوسطة ومناسب للبشرة الجافة وبيستخدم للتغطية المتوسطة
3.موس فاونديشن
mousse foundation

وبكده هانعرف نختارفاونديشن مناسب لينا من حيث اللون والنوع للحصول على شكل جميل وطبيعى

لو عايزة تعرفى ازاى تحطى بودر بعد الفاونديشن عشان تثبتى الميك اب
اضغطى هنا